A guruhi
«Galatasaroy»ni taslim etish orqali «Bavariya» g‘alabali seriyasini davom ettirdi va maksimum ochko jamg‘argan holda muddatidan oldin guruhda birinchi o‘rinni egalladi - faqat myunxenliklar o‘z guruhida birinchi o‘rinnni kafolatlagan. Guruhning qolgan uch vakilida esa pley-offga chiqish imkoniyati saqlanib turibdi, ammo «MYu»da vaziyat endi shunchalik qiyinlashganki, keyingi ikki o‘yindagi ikki g‘alaba ham 1/8 finalga olib chiqmasligi mumkin. Bu o‘yinlarni esa Istanbulda «Galatasaroy» va Manchesterda «Bavariya»ga qarshi o‘tkazish talab etiladi.
Motivatsiyasi qolmagan «Bavariya» qolgan o‘yinlarda ham g‘alaba qozonsa, «Galatasaroy» ikkinchi yo‘llanma uchun asosiy da’vogar sanaladi, chunki turklar nemislar grandiga qarshi o‘yinlarni o‘tkazib bo‘lgan. Bu mavsum uchun kuchli tarkib yig‘gan jamoa uyda inglizlarni qabul qilishdan tashqari, oxirgi turda «Kopenhagen» mehmoni bo‘ladi. Ikkinchi yo‘llanma taqdiri katta ehtimol bilan o‘sha o‘yinda hal qilinadi.
29 noyabr. «Galatasaroy» — «Manchester Yunayted», «Bavariya» — «Kopenhagen».
12 dekabr. «Manchester Yunayted» — «Bavariya», «Kopenhagen» — «Galatasaroy».
V guruhi
«Arsenal» guruhdagi asosiy raqobatchisi bo‘lishi kutilgan «Sevilya»ni ikki o‘yinda ham ishonch bilan mag‘lub etdi va amalda pley-off masalasini hal qildi. Londonliklar faqatgina keyingi ikki o‘yinda yutqazsa, PSV Ispaniyada g‘alaba qozonsa, «Lans» esa oxirgi turda ochko olsa, uchinchi o‘ringa tushib ketishi mumkin. Lekin katta ehtimol bilan keyingi turda fransuzlar bilan o‘yinda yo‘llanma naqd qilinadi.
Oxirgi o‘rinda qolayotgan «Sevilya»da ham barchasi yo‘qotilmagan. Keyingi o‘yinlardagi ikki g‘alaba katta ehtimol bilan ispanlarni 1/8 finalga olib chiqadi, bitta g‘alaba — sevimli Yevropa Ligasiga. PSV va «Lans» juftligida esa o‘zaro uchrashuvlar bo‘yicha ustunlik niderlandlar tomonida (1:1, 1:0).
29 noyabr. «Sevilya» — PSV, «Arsenal» — «Lans».
12 dekabr. «Lans» — «Sevilya», PSV — «Arsenal».
C guruhi
