“CDMA standarti operatori sifatida hozirda 5G bozoriga shiddat bilan kirib bormoqdamiz. Biz butun respublika bo‘ylab ko‘pi bilan bir yarim-ikki yil ichida 5-avlod kommunikatsiyasi- eng yuqori sifat standartlariga ega 5G tarmog‘ini xizmat ko‘rsatishning eng katta spektrini ishga tushirishni rejalashtirmoqdamiz" - Dmitriy Shukov.
Axborot texnologiyalari davrida aloqa va telekommunikatsiya sohasida kimnidir ajablantirish qiyin. Ammo bizning respublikamizda Perfectum uyali aloqa operatori tajribali telekommunikatsiya mutaxassisi Dmitriy Shukov boshchiligida “yangi avlod aloqasi” - 5G’ni ishga tushirishni rejalashtirmoqda. Bu haqda Dmitriy Shukov Kun.uz’ga bergan eksklyuziv intervyusida ma’lum qildi.
Bu bizning mintaqamiz uchun haqiqatan ham quvonarli yangilik hisoblanadi. Aloqa va ma’lumotlarni uzatish sifatini oshirish nafaqat telekommunikatsiya sohasida, balki boshqa o‘ta muhim sohalarda ham yangi imkoniyatlar eshigini ochadi.
“Avvalo, shuni aytmoqchimanki, abonent uchun eng tushunarli narsa ma’lumotlarni uzatish tezligidir, u turli o‘lchash usullariga ko‘ra sezilarli darajada yuqori - o‘ndan yuz martagacha. Tasavvur qila olasizmi? Bu mutlaqo hayajonli! Ilgari mavjud bo‘lmagan ko‘plab xizmatlar, masalan, avtomobilni yoki jamoat transportini haydovchisiz boshqarishni 5G tarmog‘ida to‘liq amalga oshirish mumkin. Bundan tashqari, ilgari imkonsiz bo‘lgan ko‘plab boshqa xususiyatlar 5G bilan mavjud bo‘ladi. Misol uchun, IoT funksiyasi telekommunikatsiya rivojlanishining mutlaqo yangi yo‘nalishi bo‘lib, odamlardan tashqari, tarmoqqa uskunalar, qurilmalar, sensorlar, maishiy texnika va boshqalarni ham tarmoqqa ulash mumkin. Bularning barchasini internetni yoqish bilan boshqarish imkoni bo‘ladi", - dedi Dmitriy Shukov.
Korxonadagi yangi imkoniyatlar va yangi texnologik yechimlar xalqaro standartlarga javob beradi. Ikki-uch yil ichida Perfectum butun mamlakatni yangi avlod kommunikatsiyalari - 5G bilan ta’minlashni rejalashtirmoqda.
Perfectum'ning yangi direktori bilan suhbatni YouTube’da ko‘ring.
Reklama huquqi asosida
