2026 yil 15 iyun kuni Perfectum operatori Markaziy Osiyoda ilk bor 5G Standalone (SA) tarmog‘ini ishga tushirganini e’lon qildi. Yangi avlod mobil tarmog‘i dastlab Toshkent shahri va Toshkent viloyatida foydalanishga topshirildi.

Nima uchun bu muhim? Endi “E” belgisi o‘tmishda qoladi

Deyarli ko‘pchilik ushbu holatga duch kelgan: qahvaxona yoki gavjum savdo markazida o‘tirganda internet birdan sekinlashadi yoki telefon ekranida ko‘ngilsiz “E” belgisi paydo bo‘ladi. Buning asosiy sababi — gavjum joylarda LTE va hatto odatiy 5G tarmoqlarining ortiqcha yuklama ostida qolishidir.

5G Standalone esa mutlaqo boshqacha tamoyil asosida ishlaydi. Ushbu tarmoq avvalgi 4G, 3G va 2G texnologiyalariga tayanmagan holda, to‘liq yangi avlod arxitekturasi asosida qurilgan. Natijada quyidagi qulayliklar paydo bo‘ladi:

— eng tig‘iz vaqtlarda ham aloqa barqaror saqlanadi;

— signal kechikishi kamayadi;

— internet tezligi sezilarli darajada oshadi;

— 4K formatdagi filmlarni uzoq kutmasdan yuklab olish va tomosha qilish mumkin bo‘ladi;

— videomuloqotlar eng tig‘iz paytlarda ham uzilishlarsiz amalga oshiriladi;

— Telegram orqali katta hajmdagi fayllarni tezroq yuborish imkoniyati paydo bo‘ladi.

Bundan tashqari, ovozli qo‘ng‘iroq vaqtida internetdan foydalanishni davom ettirish mumkin, aloqa sifati esa suhbatdoshingiz yoningizda turganday taassurot uyg‘otadi. Onlayn o‘yin ishqibozlari esa tezkorlik va minimal kechikishni, albatta, qadrlashadi.

Tarmoqni kim barpo etdi? Nokia va yuqori Yevropa sifatidagi uskunalar

Perfectum’ning yangi 5G tarmog‘i dunyodagi yetakchi telekommunikatsiya uskunalari ishlab chiqaruvchilaridan biri bo‘lgan Finlandiyaning Nokia kompaniyasi uskunalari asosida qurildi. Hamkorlik boshlangani haqida ilk bor 2024 yil fevral oyida Barselonada o‘tkazilgan Mobile World Congress ko‘rgazmasida ma’lum qilingan edi.

Nokia Perfectum’ga to‘liq kompleks yechim taqdim etdi: baza stansiyalari, transport infratuzilmasi va bulutli tarmoq yadrosi. Barcha uskunalar yuqori Yevropa sifat standartlariga javob beradi. Billing tizimi esa Finlandiyaning yana bir kompaniyasi — Qvantel tomonidan taqdim etildi.