O‘zbekiston va Turkmaniston TIV rahbarlari Ashxobodda uchrashdi

Suhbat chog‘ida ikki tomonlama munosabatlarning keng ko‘lamli kun tartibidagi masalalar ko‘rib chiqilgan.

Foto: TIV

O‘zbekiston tashqi ishlar vaziri Baxtiyor Saidov Ashxobod shahrida Turkmaniston vazirlar mahkamasi raisi o‘rinbosari, tashqi ishlar vaziri Rashid Meredov bilan muzokaralar o‘tkazdi.

«Ashxobod shahrida Turkmaniston vazirlar mahkamasi raisi o‘rinbosari, tashqi ishlar vaziri Rashid Meredov janoblari bilan samarali uchrashuv o‘tkazdik», - deb yozdi O‘zbekiston TIV rahbari o‘zining Telegram-kanalida.

Suhbat chog‘ida mamlakatlar o‘rtasida har sohada jadal rivojlanib borayotgan ikki tomonlama munosabatlarning keng ko‘lamli kun tartibidagi masalalar ko‘rib chiqilgan.

O‘zbekiston va Turkmaniston tashqi siyosat idoralari rahbarlari 8 noyabr kuni Toshkentda ikki tomonlama hamkorlikni yanada kengaytirish masalalarini muhokama qilgan edi.