Cobalt va Damas uchun shartnoma dekabr oyining ikkinchi yarmida ochiladi

Dekabr oyining ikkinchi yarmida 2024 yilda ishlab chiqarilishi rejalashtirilgan ommabop avtomobillar uchun onlayn kontraktatsiya ochilishi rejalashtirilgan. Cobalt narxi 124 mln 264 ming so‘mdan, Damas narxi esa 93 mln 156 ming so‘mdan boshlanadi.

Foto: Kun.uz

UzAuto Motors dekabr oyining ikkinchi yarmida 2024 yilda ishlab chiqarilishi rejalashtirilgan ommabop avtomobillar uchun onlayn kontraktatsiya ochishni rejalashtiryapti. Aniq sana kompaniyaning rasmiy sahifalarida alohida e’lon qilinadi.

Narxlar quyidagicha bo‘ladi:

Cobalt - 124 mln 264 ming so‘mdan;
Damas - 93 mln 156 ming so‘mdan;
Labo - 93 mln 771 mln so‘mdan.

“Ommabop avtomobil modellarini xarid qilish uchun shartnomalar berish boshlangan kunlarda, kontraktatsiyani avtosalonlardan emas, balki faqat onlayn tarzda UzAutoSavdo ilovasi va savdo.uzavtosanoat.uz veb-sayti orqali rasmiylashtirish mumkin bo‘ladi”, deyiladi xabarda.

Avvalroq, UzAuto Motors shartnoma berishning to‘liq onlayn shakliga o‘tishni rejalashtirayotgani xabar qilingandi. Qachondan bu tartibning joriy etilishi hozircha noma’lum.

#shartnoma #UzAuto Motors