Chiqindi olib chiqib ketish bo‘yicha qarzi borlarga elektr uchun to‘lov qilish cheklab qo‘yiladi

O‘zbekiston prezidenti 2024 yil 4 yanvarda "Chiqindilarni boshqarish tizimini takomillashtirish va ularning ekologik vaziyatga salbiy ta’sirini kamaytirish bo‘yicha chora-tadbirlar to‘g‘risida"gi farmonni imzoladi.

Energetika vaziri matbuot kotibi Hasan Toshxo‘jayevning xabar berishicha, endi qattiq maishiy chiqindilar bo‘yicha ko‘rsatilgan xizmatlardan qarz yuzaga kelgan bo‘lsa, «svet» uchun pul imkoni bo‘lmaydi.

Hujjatga ko‘ra:

• 2024 yilning 1 iyunidan boshlab Toshkent va Nukus shaharlari hamda viloyatlar markazlarida chiqindi xizmatlari bo‘yicha 6 oy davomida shakllangan qarzdorlik uchun;
• 2024 yilning 1 noyabridan respublikaning barcha hududida chiqindi xizmatlari bo‘yicha 3 oy davomida shakllangan qarzdorlik uchun;
• 2025 yilning 1 yanvaridan e’tiboran respublikaning barcha hududida chiqindi xizmatlari bo‘yicha 1 oylik qarzdorlik uchun elektr energiyasiga to‘lovni amalga oshirishda cheklovlar o‘rnatiladi.

«Oddiy aytganda, axlat uchun pul to‘lamagan qorong‘ida o‘tiradi», deb yozgan energetika vaziri matbuot kotibi.

Ushbu cheklovlar 2023 yil 31 dekabrgacha to‘plangan qarzlarga ta’sir qilmaydi.