Yevropada qişki transferlar yakunidagi asosiy intrigalar

Özbekiston milliy jamoasi hujumçisi Eldor Şomurodov Italiya A Seriyasidagi klubini özgartirişi mumkin. Insayder Janluka Di Marsioning xabariga köra, transfer huquqi «Roma»ga tegişli bölgan hujumçini «Salernitana» öz safiga qöşib olmoqçi. Uşbu klub boş direktori Valter Sabatini hozirda ijara asosida «Kalyari» şarafini himoya qilayotgan Şomurodovni yarim yillik ijaraga oliş böyiça Rim klubiga taklif bilan çiqqan.

Eldorning «Roma» bilan amaldagi şartnomasi 2026 yilga qadar möljallangan. U joriy mavsumda A Seriyaning 11 öyinida maydonga tuşib, ikki uzatma bergan, şuningdek, Italiya Kubogi doirasida bitta öyin ötkazgan. Hujumçi jarohati sababli Osiyo kubogiga bora olmay, Italiyada tiklaniş jarayonini ötkazmoqda.

«Kalyari» 22-turdan keyin turnir jadvalida 18 oçko bilan 18-örinni egallab turibdi, «Salernitana» esa 12 oçko bilan sönggi örinda bormoqda.

Jyerom Boateng: erkin agent → «Salernitana»

2014 yil Germaniya safida jahon çempioni bölgan himoyaçi 2023 yil iyulidan buyon erkin agent bölib qolmoqda. «Bavariya» safida köp yillar öynagan Boatengning sönggi jamoasi «Lion» bölgan. U ham «Salernitana» safiga qöşilişi mumkin. Fabritsio Romanoning xabariga köra, Italiya klubi rahbarlari kelişuv ustida iş olib bormoqda. «Salernitana» Boatengga mavsum yakuniga qadar şartnoma taklif etgan. Bu jamoada avvalroq «Bavariya»ning yana bir afsonasi Frank Riberi ham töp surgandi.

Ruslan Malinovskiy: «Marsel» → «Jyenoa»

«Jyenoa» transfer huquqi «Marsel»ga tegişli bölgan ukrainalik yarimhimoyaçi Ruslan Malinovskiyni rasman öz a’zosiga aylantirmoqçi. Jurnalist Nikolo Şiraga köra, italyanlar transfer uçun 7,5 mln yevro tölaydi va futbolçi bilan 2027 yil yoziga qadar şartnoma imzolaydi. Malinovskiy 2023 yil yozida ijara huquqi asosida «Jyenoa»ga ötgandi. 30 yoşli futbolçi joriy mavsumda Italiya çempionatida 19 öyinda maydonga tuşib, ikki gol urdi va bir golga uzatma berdi. Umuman olganda, A Seriyada uning işlari Fransiyadagiga qaraganda yaxşiroq keçmoqda. U avval Jan Piyero Gasperini boşqaruvidagi «Atalanta»da ham muvaffaqiyatli töp surgandi.

Muhammad Said Benrahma: «Vest Hem» → «Lion»

Britaniyalik nufuzli jurnalist David Ornşteyn «Lion» «Vest Hem» forvardi Said Benrahma transferi böyiça faol muzokara olib borayotganini xabar qilgan. Manba fransuzlar jamoasi 28 yoşli futbolçi uçun 20 mln yevro, şuningdek qöşimça bonuslar taklif etgani, «Vest Hem» bu taklifni qabul qilmaganini aytgandi. Ammo keyinroq yanada işonçli manba hisoblangan Fabritsio Romano tomonlar uşbu jazoirlik futbolçi böyiça kelişuvga erişganini ma’lum qildi. Unga köra, «Lion» futbolçini mavsum yakuniga qadar 5 million yevro evaziga ijaraga oladi, mavsum yakunida esa 12 million yevro tölab transferni yakunlaydi.

Konor Gallaher: «Çelsi» → «Tottenhem»

Football Insider xabariga köra, «Tottenhem» hamon «Çelsi» yarimhimoyaçisini qölga kiritişdan umid uzmagan. Qayd etilişiça, «şporlar» rahbariyati kelişuv böyiça muzokaralar ötkazgan. «Çelsi» futbolçi uçun kamida 90 mln yevro olişni istamoqda. «Tottenhem» bunday pul tölaşi dargumon. Transfermarkt portalida esa Gallaherning transfer bahosi 42 mln yevro etib körsatilgan. Angliyalik futbolçining «Çelsi» bilan şartnomasi 2025 yil 30 iyuniga qadar möljallangan.

Yozua Kimmih: «Bavariya» → «Tottenhem» / «Liverpul» / «Mançester Siti»

Myunxenning «Bavariya» klubi yetakçilaridan biri bilan xayrlaşişi mumkin. Kimmihga APL top-klublari — «Tottenhem», «Liverpul» va «Mançester Siti» qiziqmoqda. Football Insider xabariga köra, Yozua Germaniyani şu yil qişki transferlar oynasi doirasida ham tark etişi mumkin. «Tottenhem» u orqali yarimhimoya çiziğini kuçaytirişdan umid qilmoqda. Agar «şporlar» «Çelsi» yarimhimoyaçisi Konor Gallaher transferini hal qila olişmasa, bor e’tiborini Kimmihga qaratadi. Myunxenliklar esa 28 yoşli futbolçisi uçun 50-70 mln yevro söraydi.

Jyeykob Remsi: «Aston Villa» → «Nyukasl»

Unai Emeri muhim futbolçilaridan biridan ayrilişi mumkin. The Athletic xabar berişiça, «Aston Villa»ning angliyalik yarimhimoyaçisi Jyeykob Remsiga «Nyukasl» jiddiy qiziqmoqda. Ammo «qarğalar» 22 yoşli futbolçini öz safiga qöşib oliş uçun bir qator futbolçilarini sotişi kerak. Qayd etilişiça, Remsiga «Tottenhem» va «Bavariya»dan ham qiziqiş mavjud. Ehtimoliy xaridorlarni transfer summasi çöçitmoqda — «Villa» bu futbolçisini 58 mln yevrodan kamiga qöyib yubormoqçi emas.

Mehdi Torimiy: «Portu» → «Inter»

Fabritsio Romano xabar berişiça, «Inter» «Portu» forvardi bilan şartnoma imzolaşga yaqin. Milanliklar klubi rahbarlari hamda eronlik hujumçining vakillari amalda ikki yillik şartnoma böyiça kelişuvga erişişgan. Kelişuv şartnomani yana bir yilga uzaytirişni közda tutadi. Tomonlar şartnomaning ayrim jihatlarini hal qilişi qolgan. Torimiy 2020 yildan buyon «Portu» safida töp surib keladi. Ayni vaqtda Eron milliy jamoasi bilan Osiyo kubogidagi iştirokini davom ettirayotgan futbolçining portugallar klubi bilan şartnomasi 2024 yil iyun oyi oxiriga qadar tuzilgan. Şunday ekan, Mehdi «Inter»ga mavsum yakunida erkin agent sifatida ötadi.

Leni Yoro: «Lill» → «PSJ»

L’Equipe xabariga köra, «PSJ» «Lill»dagi yoş iste’dod sohibi Leni Yoroni öz safida körişni istamoqda. «Lill» prezidenti Olive Letang avvalroq klub uşbu futbolçini qişki transferlar oynasi vaqtida sotiş böyiça muzokaralarga kirişmasligini ma’lum qilgandi. Ammo «PSJ» uşbu 18 yoşli futbolçi uçun 50 mln yevro taklif qilmoqçi. Yoroga Yevropaning boşqa top-klublari ham qiziqiş bildirgan: «Bavariya», «Mançester Yunayted», «Mançester Siti», «Liverpul», «Real», «Çelsi» va «Tottenhem». Lenining «Lill» bilan şartnomasi 2025 yil iyun oyi oxiriga qadar tuzilgan. Transfermarkt portali futbolçini 25 mln yevroga baholagan.

Jakomo Bonaventura: «Fiorentina» → «Yuventus», Roberto Pereyra: «Udineze» → «Yuventus»

«Yuventus» rahbariyati mavsumning ikkinçi yarmida jamoaga yordam berişi mumkin bölgan tajribali yarimhimoyaçi qidirmoqda. Maks Allegri jamoasi A Seriyaning oltin medallari uçun «Inter» bilan kuraş olib bormoqda. Turinliklarda tarkibni kuçaytiriş uçun ikkita variant bor: Jakomo Bonaventura («Fiorentina») va Roberto Pereyru («Udineze»). E’tiborli jihati, argentinalik futbolçi avval ham, 2014 yildan 2016 yilga qadar «Yuve»da töp surgan. Jurnalist Mirko Di Natalening xabar berişiça, «Fiorentina» Bonaventurani tekinga qöyib yubormoqçi emas. «Udineze» esa Pereyra uçun 3-4 mln yevro söramoqda.

Tiyago Almada: «Atlanta Yunayted» → «Fiorentina»

«Fiorentina» 2022 yilgi jahon çempionini öz safiga qöşib olişni istamoqda — Football Italia xabariga köra, klub argentinalik Tiyago Almada transferi ustida iş olib bormoqda. «Binafşalar» jamoasi «Atlanta Yunayted» bilan muloqot örnatgan Amerika klubi transfer uçun 25 mln yevro söragan, italyanlar bunça katta mablağ tölaşga rozi emas, ammo muzokaralar davom ettirilmoqda. Almadaning özi ham A Seriyaga köçib ötişni istamoqda. Tiyago «Atlanta Yunayted» safida 2022 yildan buyon öynamoqda. Uşbu yarimhimoyaçi ötgan mavsumda barça turnirlar doirasida 35 öyinda maydonga tuşib, 13 gol urgan va 19 golga uzatma bergan. Transfermarkt portali uning transferini 27 mln yevroga baholagan.