“O‘zbekinvest” kompaniyasi sug‘urta sohasini rivojlantirishda faol ishtirok etib, ijobiy rivojlanish dinamikasini namoyish etdi va 2023 yil yakuni bo‘yicha biznesning asosiy ko‘rsatkichlari bo‘yicha barqaror o‘sishni ta’minladi.
“O‘zbekinvest” kompaniyasi 2023 yildagi faoliyatining yakunlariga ko‘ra, O‘zbekiston sug‘urta bozorida yetakchi o‘rinni saqlabgina qolmay, balki yanada mustahkamlab, 1,2 trln so‘m sug‘urta mukofotlarining yalpi yig‘ilishini ta’minladi hamda 2022 yil yakuniga nisbatan hajmlarning 1,3 barobar o‘sishiga erishdi.
2016 yildan 2023 yilgacha bo‘lgan davr mobaynida yig‘ilgan mukofotlar miqdori 12 barobarga oshdi.
2023 yilda kompaniya milliy tovar va xizmatlar eksportchilariga 2,5 milliard dollar miqdorida sug‘urta himoyasini taqdim etdi, bu O‘zbekistonning noxomashyo eksporti qoplamasining 36 foizini tashkil etdi.
Kompaniyaning 2023 yilda erishgan asosiy yutuqlaridan biri xalqaro sug‘urtalash va qayta sug‘urtalash bozorlarida sug‘urta operatsiyalarining dinamik va barqaror rivojlanishi bo‘ldi. 2023 yil yakuniga ko‘ra, qayta sug‘urtalash mukofotlarining yalpi yig‘imi 50,4 million dollarni tashkil etdi.
Oxirgi yetti yilda kompaniyaning sug‘urta portfelidagi xizmatlar eksportining ulushi 0,1 foizdan 48,5 foizga oshdi.
“O‘zbekinvest” kompaniyasi Germaniya, Shveytsariya, Yaponiya, Fransiya, Xitoy, Janubiy Koreya, AQSh, Buyuk Britaniya kabi yetakchi xalqaro transmilliy sug‘urta va qayta sug‘urtalash kompaniyalari va brokerlari bilan hamkorlikni yo‘lga qo‘ydi va so‘nggi yetti yilda faol, nufuzli va xalqaro sug‘urta bozorining tan olingan sug‘urta kompaniyasiga aylandi. Bugungi kunda “O‘zbekinvest” kompaniyasining qayta sug‘urtalash himoyasi dunyoning 120 ta davlatida qabul qilinmoqda.
Korporativ segmentda kompaniya tomonidan 464,2 milliard so‘m miqdorida sug‘urta mukofotlari yig‘ilishi ta’minlandi, bu esa 2022 yil yakuniga ko‘ra 2 barobarga ko‘pdir.
Jismoniy shaxslarni sug‘urtalash segmentida 104,7 mlrd so‘m sug‘urta mukofotlari yig‘ilishini ta’minlanib, 2022 yil yakuniga nisbatan 167 foizga o‘sdi,1 milliondan ortiq shartnoma tuzildi.
Mamlakatimiz aholisini sug‘urta qoplamasi bilan ta’minlash ishlarini davom ettirish va “mahallabay” tamoyili bo‘yicha ishlarni tashkil etish doirasida 40,5 milliard so‘m miqdorida sug‘urta mukofotlari yig‘ilib, o‘tgan yilning shu davriga nisbatan uch barobardan ortiq o‘sishi ta’minlandi.
“O‘zbekinvest” kompaniyasi tomonidan sun’iy intellekt texnologiyalaridan foydalangan holda real vaqt rejimida sug‘urtadan oldingi tekshirishlarning innovatsion tizimi joriy etilishi bugungi kunda kompaniyaning umumiy mijozlar bazasidagi polislarning 87 foizi ma’lumotlarini qayta ishlash imkonini beradi.
