Braziliyada Sergey Lavrovning samolyotiga yonilg‘i quyishdan bosh tortishdi

Braziliya AQShning ikkilamchi sanksiyalariga tushib qolish xavfi tufayli Rossiya tashqi ishlar vaziri Sergey Lavrov samolyotiga yonilg‘i quyishdan bosh tortdi, deb xabar berdi Aero Telegraph portali 22 fevral, payshanba kuni. 

Resursga ko‘ra, Lavrov Rio-de-Janeyrodagi G20 sammitidan Braziliya prezidenti Lula da Silva bilan uchrashuvga Il-96 hukumat samolyotida uchishi kerak edi. Lavrov samolyotiga yonilg‘i quyishdan bosh tortilgach, Braziliya tomoni Rossiya vaziriga Braziliya tashqi ishlar vaziri Mauro Vieyra samolyotida «yo‘ldosh» sifatida Lula bilan uchrashuvga uchishni taklif qildi. 

Aero Telegraph ta’kidlaganidek, tomonlar shunga qaramay, Sergey Lavrov da Silva bilan suhbatdan so‘ng Rossiya hukumati Il-96 samolyotini boshqa joyda yonilg‘i bilan to‘ldirishga kelishib oldi. 

Lavrovning samolyotiga baribir yonilg‘i quyildi 

Keyinroq Rossiya TIV rasmiy vakili Mariya Zaxarova vazirning samolyoti parvozga tayyorligini, yonilg‘i bilan to‘ldirilganligini aytdi. «Samolyotga yonilg‘i quyildi, Braziliya tomoni logistika bilan ta’minladi», — deya uning so‘zlaridan iqtibos keltiradi TASS agentligi. 

Lavrovning o‘zi jurnalistlarga hozirgi vaziyatni shunday izohladi: «Braziliyada G‘arb korporatsiyalariga tegishli bo‘lmagan samolyotlarga yonilg‘i quyadigan kompaniyalar deyarli yo‘q». Shu bilan birga, Braziliya tomoni «bu masalani hal qilish uchun hamma narsani qildi», dedi vazir.