Toshkent viloyatida bir yilda jami 4 mingga yaqin yerga oid huquqbuzarlik holatlari aniqlandi.
Kadastr agentligining Toshkent viloyati boshqarmasi xabariga ko‘ra, idora tomonidan 2023 yil davomida olib borilgan nazorat tadbirlari davomida jami 3 949 ta yerga oid huquqbuzarlik holatlari aniqlangan.
Eng ko‘p holatlar quyidagi hududlarda qayd etilgan:
- Yangiyo‘l tumani — 251 ta;
- Toshkent tumani — 248 ta;
- Yuqori Chirchiq tumani — 241 ta;
- Bo‘stonliq tumani — 210 ta.
Boshqarma fuqarolardan ruxsatsiz qurilish qilmaslikni, yerlarni o‘zboshimchalik bilan egallab olmaslikni va egalik huquqi mavjud bo‘lganda o‘z vaqtida davlat ro‘yxatidan o‘tkazishni so‘ragan.