AQShning Rossiyadagi elchixonasi Moskvadagi ehtimoliy teraktlar tahdidi haqida xabar berdi.
«Elchixona ekstremistlar Moskvadagi yirik tadbirlar, jumladan, konsertlarga hujum qilishni rejalashtirayotgani haqidagi xabarlarni kuzatmoqda», — deyiladi 7 mart, payshanba kuni uning veb-saytida.
Diplomatik missiya mamlakatdagi fuqarolarini keyingi 48 soat davomida «katta yig‘ilishlarga» bormaslikka chaqirdi. Elchixonaning boshqa tavsiyalari orasida «mahalliy ommaviy axborot vositalarida yangiliklarni kuzatib borish» va «yon-atrofda ehtiyot bo‘lish» ham bor.
Amerika elchixonasiga tayanib, xuddi shunday ma’lumotni Britaniya tashqi ishlar vazirligi e’lon qildi.
Press-reliz e’lon qilinganidan so‘ng, AQShning Rossiyadagi elchixonasi veb-sayti rus tilidagi versiyasi yangiliklar bo‘limi ishlamay qoldi.
