Joriy yil 1 martdan Toshkent shahar va Toshkent viloyatida sinov tariqasida yer qonunbuzarlik holatlari joyning o‘zida elektron rasmiylashtirish ishlari yo‘lga qo‘yildi
Kadastr agentligi xabariga ko‘ra, yer qonunbuzilish holatlarini aniqlash va bartaraf etishda samarali davlat nazoratini amalga oshirish maqsadida Kadastr agentligi tomonidan “Ye-yer nazorat” dasturi ishlab chiqildi.
Ushbu dastur quyidagi imkoniyatlarni beradi:
- nazorat tadbirlarini amalga oshirishda ortiqcha qog‘ozbozlik hamda ehtimoliy korrupsion harakatlarning oldi olish;
- yer qonunbuzilish holatlarini aniqlashdan to bartaraf etishgacha bo‘lgan jarayonlarni monitoring qilib borish;
- yerga oid qonunbuzilishlar va ularni bartaraf etilishi to‘g‘risidagi statistik ma’lumotlarni avtomatlashtirilgan elektron hisobini yuritish;
- yerlarni o‘zboshimchalik bilan egallash, yerlardan maqsadsiz foydalanish, ko‘chmas mulkka bo‘lgan huquqlarni davlat ro‘yxatidan o‘tkazish uchun o‘z muddatida murojaat qilmaslik holati bo‘yicha manzilli ma’lumotlar bazasini yaratish.
