«Krokus»ga hujum böyiça hibsga olinganlar haqida nimalar ma’lum?

Şamsidin Fariduni

25 yoşli Fariduni sudga yuzi va yanoği şişib ketgan holda olib kelingan. Bundan oldinroq kuçişlatar tuzilmalarga aloqador sanalgan telegram-kanallar uşbu şaxs elektr orqali qiynoqqa solinayotgani aks etgan videoyozuvni tarqatgandi.

U ham Tojikiston fuqarosi, uylangan, sakkiz oylik çaqaloği bor. Fariduni Krasnogorskda yaşaş uçun röyxatdan ötgan. Rossiyaga mart oyi boşida kelgan va Podolskdagi fabrikaga işga kirgan.

Kuçişlatar tuzilmalar e’lon qilgan söroq jarayoni videosida Fariduni 4 mart kuni Turkiyadan uçib kelgani, u yerga «hujjatlar uçun borgani», «Krokus Siti Holl»da esa 500 ming rubl evaziga «odamlarni otgani»ni aytadi. Söroq videosida hujum qandaydir «tarğibotçining yordamçisi» telegram orqali buyurtma qilingani aytilgan. OAV manbalari uni hujum qilganlarning rahbari sifatida keltirgan.

Rossiyadagi telegram-kanallar tasdiqlaşiça, Fariduni hujumdan oldin konsert zalini örganiş uçun bir neça bor «Krokus Siti Holl»ga kelgan. Jumladan, VÇK-OGPU kanali Faridunining 7 mart kuni «Krokus»da olingani aytilgan fotosuratini namoyiş etgan.

Muhammadsobir Fayzov

19 yoşli Muhammadsobir Fayzov Basmanniy rayon sudiga jonlantiriş bölimidan keltirilgan, zalga uni jarrohlik amaliyotidan keyingi kresloda kateterga (qovuqni böşatiş yoki unga dori yuboriş uçun işlatiladigan nayça) ulangan holatda olib kirişgan.

Unga ikki nafar tibbiy xodim hamkorlik qilgan, sud majlisi yopiq rejimda ötkazilişi haqidagi qarordan keyin ularni zaldan olib çiqişgan. OAVning yozişiça, Fayzov gapira olmaydigan holatda bölgan.

Fayzov — Tojikiston fuqarosi, uylanmagan, Ivanovskaya oblasti Teykovo şahridagi «Ploşadka» barberşopida bir neça oy işlagan.

Sartaroşxona egasi bölgan ayol «Moskovskaya komsomolets» naşriga bergan izohida uni yaxşi sartaroş sifatida ta’riflab, unda «heç qanday ğalati narsa sezişmagani»ni aytgan.

Saidakrami Rajabalizoda

Saidakrami Murodali Rajabalizoda — 30 yoşli işsiz. Sudda u Rossiyaning qayerida röyxatdan ötganini eslay olmasligini bildirgan. Uylangan, bir nafar farzandi bor.

U rus tilini tuşunadi, ammo bu tilda gapira olmaydi, u jarayon iştirokçilari bilan tarjimon orqali gaplaşgan. Aybini tan olgan.

Sud majlisidan oldinroq Rossiyadagi ijtimoiy tarmoqlarda Rajabalizodaning qölga olinişi va söroq qilinişi aks etgani aytilgan videoyozuv tarqalgandi. Videoda uning bir quloği kesib olingani va oğziga solib qöyilgani aks etgan.

Zaporijjya oblastining okkupatsiya qilingan qismi ma’muriyati vakili Vladimir Rogov 23 mart kuni huquq-tartibot organlari xodimlari qonga belangan kişini maşinaga çiqarayotgani aks etgan videoni namoyiş etdi — unda Rajabalizodaning qölga olinişi jarayoni körsatilgan. Videoga izohda şunday deyilgan: «Bryansk oblastidagi terrorçilardan biri örmonga yaşirinişga urindi. Ammo bizning siloviklar uni quloğidan tortib qolişdi».

«Vajniye istorii» naşri ma’lumotiga köra, gumonlanuvçining quloğini huquq-tartibot organlarining neonatsistlarning «Rusiç» diversiya-şturm razvedka guruhi tarafdori bölgan vakili kesib olgan.

24 mart kungi sud majlisida Rajabalizoda boşi boğlangan, yuzidagi kökarişlar va şiş bilan köriniş berdi.

Avtomobil egasi va uning qarindoşlari

25 mart kuni Basmanniy rayon sudi yana uç kişini qamoqqa oldi: ulardan biri, 24 yoşli Dilovar Islomov — hujum qilganlar «Krokus»ga kelişda va u yerni tark etişda foydalangan «Reno»ning oxirgi egasi bölgan.

Şuningdek, uning akasi — 33 yoşli Aminjon Islomov va ularning otasi Isroil Islomov qölga olingan.

Ularning barçasi teraktni taşkillaştirişda hamkorlik qiliş haqidagi modda böyiça ayblanmoqda.

Tergov versiyasiga köra, oldinroq hibsga olingan Şamsiddin Fariduni yanvar oyidayoq Aminjon Islomovni hujum tayyorlagan guruhga jalb etgan, mart oyida — Dilovar Islomovni ham. Ularning otasi nimada gumonlanayotgani Tergov qömitasi bayonotida keltirilmagan.

Dilovar Islomovning akasi Iam jurnalistlar bilan suhbatda u hujumga tayyorgarlik körilgani haqida heç narsa bilmagani va hodisa haqida xabar topgaç, politsiyaga özi borgani haqida aytib bergan.

«Dilovarning bunga aloqasi yöq, u şunçaki öz maşinasini sotgan, u aybdor emas va bu masalada heç narsadan xabari bölmagan. Unda sotib oliş-sotiş kelişuvi bor, unga maşina taksi uçun kerakligini aytişgan. U internetda [bu maşina] videosini körişi bilanoq uçastka nozirining oldiga yöl oldi», — degan «Verstka» naşriga Iam Islomov.

Bungaça ham hujumdan bir neça soat ötganidan keyin Dilovar Islomov jurnalistlarga hujum qilganlar foydalangan avtomobil taqdiri haqida aytib bergandi. Özining aytişiça, «Krokus»ga hujum qilinişidan bir haftaça oldin u «Reno»ni öz qaynoğasiga sotgandi.

Ijaraga beruvçi

26 mart kuni Moskvaning Basmanniy rayon sudi sakkizinçi gumonlanuvçini qamoqqa oldi — bu 32 yoşli Alişer Qosimov, tergov versiyasiga köra, u öz kvartirasini «Krokus Siti Holl»ga hujum qilişda iştirok etganlarga ijaraga bergan.

Qosimov — Qirğiziston fuqarosi, Krasnogorskda röyxatga olingan, uç nafar farzandi bor.

Qosimovning sözlariga köra, u kvartirantlari terrorizm bilan aloqadorligidan bexabar bölgan — «Mediazona»ning yozişiça, u şunçaki «Avito» saytida kvartirasini ijaraga berişi haqida e’lon bergandi.

Qosimovning onasi jurnalistlarga aytişiça, öğli kvartirani ipoteka tölovini amalga oşiriş maqsadida ijaraga bergandi.

«Men unga kvartirani faqat ruslarga berişini aytdim, unga esa pul kerak edi, uning uç farzandi va ipotekasi bor, u tölov qilişi kerak edi va [hujumni ijro etgan] bu odamlarga topşirgan», — degan u.

«Mening öğlim — yaxşi inson», — deya qöşimça qilgan u. «U oddiy, sodda, barçaga işonuvçan odam. U hamişa odamlarga yordam berişni xohlaydi! Ularni „Avito“ orqali topgan… U kvartirani bergan, buni bilaman. Ammo u bu yigitlarni tanimagan», — degan ayol.

«Avito» servisi allaqaçon Qosimovning akkauntini tekşirişgani va taqiqlangan sörov va xabarlar aniqlanmaganini ma’lum qilgan.

«Krokus Siti Holl»ga hujum

22 mart kuni avtomat kötargan bir neça kişi Moskva çekkasidagi Krasnogorskda joylaşgan «Krokus Siti Holl» konsert zaliga bostirib kirişdi — bu vaqtda «Piknik» guruhi konserti boşlanişiga bir neça daqiqa vaqt qolgandi. Ular taşrif buyuruvçilarga qarata öt oçgan va binoga öt qöyişgan. Tergov qömitasi terakt böyiça iş oçgan.

23 mart tongida FXX direktori Aleksandr Bortnikov Vladimir Putinga 11 kişi qölga olingani töğrisida xabar berdi. Sudga keltirilmagan uç kişi nimada ayblanayotgani hozirça ma’lum emas.

Sönggi ma’lumotlarga köra, terakt oqibatida halok bölganlar soni 140 nafarga yetgan, teraktdan keyingi kunlarda şifoxonada uç kişi jon berdi. Şuningdek, 360 kişi jarohatlangan, şundan 11 nafari bolalar. 

27 mart kuni Tergov qömitasiga jabrlanuvçilardan «Krokus Siti Holl»dagi teraktdan keyin yaqinlari «yöqolgani» haqida 143 ta ariza kelib tuşgani ma’lum qilindi. Xabarda aytilişiça, hozirga kelib 84 jasadning şaxsiga aniqlik kiritilgan.

Avvalroq Baza telegram-kanali dastlabki ma’lumotlarga köra, teraktdan keyin 95 kişi bedarak yöqolgan deb hisoblanayotgani haqida xabar tarqatgandi. Bunday röyxat qarindoşlarning murojaatlari asosida operativ xizmatlar tomonidan tuzilgan. 

Kanal ma’lumotiga köra, bu raqamlar jabrlanganlar va qurbonlar röyxatida bölmagan odamlarni öz içiga olgan.

Baza manbasiga köra, röyxatdagi ayrim odamlar qandaydir sabablarga köra aloqaga çiqmagan bölişi mumkin. Bundan taşqari, ulardan ayrimlari, katta ehtimol bilan qurbonlar röyxatida böladi, bular hali jasad qoldiqlari topilgan, ammo şaxsiga aniqlik kiritilmaganlar. 

Davlat dumasi deputati va Rosgvardiya rahbarining sobiq maslahatçisi Aleksandr Xinşteyn gumonlanvçilar harakatlangan oq «Reno»ni tunda Bryansk oblastida körişgan — uning sözlariga köra, maşina huquq-tartibot organlari xodimlari talablariga böysunmagan va şundan keyin unga qarata öt oçilgan.

Ijtimoiy tarmoqlarda yöl kameralari orqali olingan tasvirlar tarqalgan, unda  «Reno Simbol» avtomobili soatiga 90 km tezlik harakatlangan joyda soatiga 141 km tezlikda harakatlangani aks etgan. Avtomobil töxtatilguniga qadar 300 km atrofida yöl bosişga ulgurgan.