BBC Britaniya mediakompaniyasining rus xizmati, "Mediazona" naşri va köngillilar oçiq manbalar ma’lumotlaridan foydalangan holda Rossiyaning Ukrainaga qarşi uruşida halok bölgan 49 281 nafar rossiyalik harbiyning ismini aniqladi. Bu haqda 29 mart, juma kuni "Mediazona" xabar berdi.
Naşrning qayd etişiça, sönggi ikki hafta içida röyxat 1580 kişining ismi-şarifi bilan töldirilgan. Röyxatdagi ismlarning deyarli uçdan bir qismi uruşga jalb qilingan mahkumlar (8887 kişi yoki 18 foiz) va köngillilarga (6434 kişi yoki 13,1 foiz) tegişli. Şu jumladan, Ukraina bilan uruşda 3329 ofitser halok böldi, ulardan 386 nafari podpolkovnik va undan yuqori unvonga ega.
Röyxatdagi eng katta yoş guruhi 33-35 yoş bölib, ular orasida Ukrainada halok bölgan, ismi ma’lum 5157 nafar rossiyalik harbiy xizmatçi bor. Rossiya viloyatlari böyiça, uşbu ma’lumotlarga köra, eng köp Krasnodar ölkasi (1881 kişi), Boşqirdiston (1723) va Sverdlovsk viloyati (1637) aholisi vafot etgan.
MRB Rossiyaning yöqotişlarini 315 ming kişiga baholamoqda
AQŞ Markaziy razvedka boşqarmasi boşliği Uilyam Berns 30 yanvar kuni Amerikaning Foreign Affairs naşri uçun ruknida Rossiya armiyasining umumiy yöqotişlarini 315 ming kişi atrofida baholagan edi.
"Mediazona" va BBC bu bahoga qöşildi: "Bir yarim yildan ortiq davom etgan kuzatişlar natijasida biz oçiq manbalar barça harbiylar ölimining yarmini aniqlaşi mumkinligini angladik. Bu körsatkiç köp jihatdan mintaqa, yoş va ijtimoiy maqomga boğliq. Biz undan doimiy ravişda hisob-kitoblarda foydalanmaymiz. Ammo bu juda qöpol va taxminiy hisob-kitoblarga mos keladi: ijtimoiy tarmoqlarda topilgan 43 ming nekrolog bizga taxminan 80-90 ming real ölimni beradi. Şunda ma’lum bölişiça, qolgan 230 ming kişi yaralangan, bu ölganlar soni hisobga olinsa, bu haqiqatdan ham köproq körinadi", deb ta’kidladi jurnalistlar.
RFda yangi safarbarlik haqidagi miş-mişlar va Xarkivga hujum
"Verstka" naşri 22 mart kuni Rossiya hukumatidagi manbalariga tayanib, yaqin kelajakda Ukraina bilan uruşga yana 300 ming kişini yuboriş rejalaştirilgani haqida xabar berdi. Naşr suhbatdoşlariga köra, buning uçun ular zaxiradagi fuqarolarni jalb qilmoqçi, xizmat muddati tugaydigan çaqiriluvçilar esa şartnoma imzolaşga "har qanday yöl bilan köndiriladi". Naşr manbalari bu harakatlarning barçasini "mobilizatsiya 2.0" deb atadi. "Verstka" şuningdek, Moskvada mudofaa korxonalari va budjet taşkilotlari öz xodimlari uçun bronni faol ravişda taşkil qila boşlaganiga e’tibor qaratadi.
