Mobil operator «Rubicon Wireless Communication» MChJ (Perfectum) va BAAning yetakchi global texnologiya guruhi Emirates Telecommunications Group Company PJSC (e&) Partner Market Programme dasturi doirasida hamkorlik qilishlarini e’lon qilishdi. Hamkorlikning maqsadi Perfectumning raqamli infratuzilmasini va texnologik imkoniyatlarini oshirishga qaratilgan muhim innovatsiyalarni joriy etish va transformatsiya tashabbuslarini amalga oshirishdir.

Ushbu hamkorlik doirasida e& va Perfectum quyidagi asosiy sohalarni o‘zgartirish uchun kuchlarni birlashtiradi, lekin ular bilan cheklanmaydi:

- Raqamlashtirish va modernizatsiya tashabbuslarini to‘liq qo‘llab-quvvatlash.

- Perfectumning tijorat faoliyatida ilg‘or sun’iy intellekt yechimlarini qo‘llash orqali «Customer Value Management».

- Xaridlar, marketing va savdo operatsiyalarini optimallashtirish va samarali boshqarish.

- Xalqaro rouming imkoniyatlarini kengaytirish.

Perfectum bosh direktori Dmitriy Shukov ta’kidladi: “e& bilan strategik hamkorlik telekommunikatsiya xizmatlarimiz sifati va hajmini uzluksiz yaxshilashga kuchli turtki beradi. Hamkorlikning maqsadi aholining va mahalliy biznesning innovatsion va ishonchli telekommunikatsiya xizmatlariga bo‘lgan ehtiyojlarini faol ravishda qondirishdir”.

Ushbu strategik hamkorlik doirasida e& Perfectumning yangi infratuzilmasini 5G Standalone New Radio (5G SA NR) texnologiyasiga asoslangan holda qurishni qo‘llab-quvvatlaydi. 5G SA NR mobil tarmog‘i O‘zbekiston raqamli iqtisodiyotining asosi bo‘ladi, chunki yuqori tezlikdagi ma’lumotlar uzatish texnologik inqilobning keyingi bosqichini belgilab beradi va iqtisodiyotning turli sohalari uchun ko‘plab yangi imkoniyatlar yaratadi.

e& international bosh direktori v.v.b. Xalifa Al Shamsi shunday dedi: “Biz Perfectum bilan e& Partner Market Programme doirasida hamkorlik qilishni intiqlik bilan kutmoqdamiz. Ushbu strategik hamkorlik e&ning Perfectumni raqamli sayohatini shakllantirish va modernizatsiya qilishda qo‘llab-quvvatlashga sodiqligini ta’kidlaydi. Dastur tez sur’atlar bilan rivojlanmoqda va bu e&ning texnologiya yetakchisi sifatida pozitsiyasini mustahkamlaydi va bizning sheriklarimizga yuqori qiymatli xizmatlar va innovatsion yechimlarni taqdim etishga bo‘lgan sadoqatimizni aks ettiradi”.

e&’s Partner Markets Programme telekommunikatsiya hamkorlarini kuchaytirish uchun maxsus ishlab chiqilgan. Ushbu dastur hamkorlarning yuqori natijalarga erishishiga, mijozlariga ajoyib qiymatni taqdim etishiga va raqamli transformatsiya tashabbuslarini ishonch bilan amalga oshirishiga imkon beradi. Bundan tashqari, u xaridlar bo‘yicha eng yaxshi amaliyotlar orqali sezilarli darajada tejamkorlik va optimallashtirishni ta’minlaydi. Hamkorlar shuningdek, keng ulanish imkoniyatlari va yuqori sifatli xizmatlar taklif qiluvchi e& Carrier & Wholesale xizmatlaridan ham foydalanishlari mumkin.