Qoʻshimcha funksionallar
-
Tungi ko‘rinish
«Metallurg» xodimi cho‘kayotgan yigitni qutqarib qoldi
«Metallurg» massajchisi Daniel Korshunov 27 iyun kuni qahramonlik ko‘rsatib, bir insonning hayotini saqlab qoldi.

Foto: Metallurg
«Qahramonlikning katta kichigi bo‘lmaydi. Har kuni atrofimizda o‘nlab, yuzlab savobli ishlar yuz beradi. Ularni ko‘ramiz, kuzatamiz, eshitamiz. Kimningdir og‘irini yengil, mushkulini oson qilgan, hojatini chiqargan insonlarni olqishlaymiz, ularga tahsin aytamiz...
«Metallurg» FK xodimi Daniel Korshunov har kuni ertalab va kechqurun klub qarorgohi yonidan o‘tuvchi kanal bo‘ylab sayr qilishga odatlangan. Uni yaqin atrofda yashaydiganlarning barchasi yaxshi tanib qolishgan. Kecha ham odatga ko‘ra sayrga otlandi. Bu gal «progulka»ga hamkasbini ham chorladi. Suv yoqalab ketishayotganida birdan kimningdir kanalda bir ko‘rinib, bir ko‘rinmay cho‘kayotganiga ko‘zi tushishdi. Daniel o‘ylab o‘tirmasdan o‘zini kanalga otdi. Suv o‘zani taqsimlanadigan hududmasmi, shitobi tez, o‘pqon kishini domiga tortadi. Daniel cho‘kayotgan bolaga bir zumda yetib bordi va uni qirg‘oq tomon sudradi. Kanal cheti suv qoldiqlari bois sirpanchiq holatga kelib qolgan. Qo‘rquvga botgan bolakay esa yanada og‘irlashib ketgan. Uni amallab qirg‘oqqa uzatdi. Ammo o‘zi holdan toydi. Shunda yordamga yetib kelganlar Danielga qo‘l uzatishdi. Qutqarish «operatsiyasi» muvaffaqiyatli yakunlandi...
Bekobodga ish yuzasidan Zafar shahridan kelgan otaxon farzandini qutqargan yigitlarga minnatdorchilik uchun so‘z topa olmay, ko‘zlarida yosh halqalandi. Danielni tinimsiz duo qildi...
O‘z navbatida bir inson umrini saqlab qolgan jamoamiz yigitlariga biz ham tashakkur aytamiz. Alloh Sizdan rozi bo‘lsin, yigitlar!» — deb yozadi Bekobod klubi matbuot xizmati.
Tavsiya etamiz
“Rossiya urushga chuqur kirib ketdi, undan chiqishi imkonsiz” - siyosatshunos
Jahon | 18:20 / 28.07.2025
Ukrainada siyosiy inqiroz. Nega bunday bo‘ldi va buyog‘iga nima bo‘ladi?
Jahon | 17:56 / 27.07.2025
Davlat oliygohlari uchun kvotalar tasdiqlandi
O‘zbekiston | 23:49 / 25.07.2025
O‘zbekistonda pensiya miqdori qanday hisoblanadi? – muhim savollarga javoblar
O‘zbekiston | 23:34 / 25.07.2025
So‘nggi yangiliklar
-
“Asialuxe Travel” kompaniyasi “Yoz, shoshma!” aksiyasini e’lon qiladi
O‘zbekiston | 09:00
-
Soliqchilar QQSni qaytarishda sovutkichdan olingan suvni ham puflab ichyapti - Qudbiyev
Iqtisodiyot | 15:52
-
Toshkent va Kolombo o‘rtasida muntazam aviaqatnovlar yo‘lga qo‘yilishi mumkin
O‘zbekiston | 15:28
-
Rossiya avgustdan Ukraina bilan chegaradagi 20 ta o‘tish joyini yopadi
Jahon | 15:20
Mavzuga oid

09:30 / 02.08.2021
«Metallurg» FK bazasida tashkil etilgan «El Golazo Academy Powered by Real Madrid Foundation» Futbol Akademiyasiga qabul boshlandi

15:15 / 16.03.2021
«Metallurg» bosh murabbiyi iste'foga chiqdi. Klubga yangi bosh murabbiy tayinlandi

20:00 / 21.09.2019
«Paxtakor» Bekobodda g‘alaba qozondi va muddatidan oldin Superliga chempioni bo‘ldi

20:29 / 01.05.2019