Andijon viloyati SSB boshlig‘i o‘zgardi
So‘nggi vaqtlarda boshqarmaga rahbarlik qilib kelgan Azizbek Mirzajonov lavozimini tark etgan.
Sog‘liqni saqlash vazirligining tegishli buyrug‘i bilan Shohruxmirzo Olimjonovich Mamajonov Andijon viloyati sog‘liqni saqlash boshqarmasi boshlig‘i etib tayinlandi. Bu haqda SSV matbuot xizmati xabar bermoqda.
Shohruxmirzo Mamajonov 2006 yil Andijon davlat tibbiyot institutining bakalavr, 2009 yil magistratura bosqichini tamomlagan. Mehnat faoliyatini Andijon viloyati qon quyish stansiyasida uslubchi-vrach sifatida boshlagan.
Turli yillarda Andijon viloyati sog‘liqni saqlash boshqarmasi xususiylashtirish va pulli xizmatni tashkil qilish bo‘limi boshlig‘i, boshqarma boshlig‘ining tibbiy xizmatni tashkillashtirish bo‘yicha birinchi o‘rinbosari, Sog‘liqni saqlash vazirligi Inson resurslarini rivojlantirish va boshqarish bo‘limi boshlig‘i vazifasini bajaruvchi kabi lavozimlarda ishlagan.
Tayinlovga qadar Sh. Mamajonov Sog‘liqni saqlash vazirligi Fan-ta’lim va innovatsiyalar boshqarmasi Malaka oshirish va qayta tayyorlash bo‘limi boshlig‘i sifatida faoliyat ko‘rsatib kelayotgan edi.
Andijon viloyati SSB boshlig‘i lavozimida shu vaqtgacha Azizbek Mirzajonov ishlab kelayotgandi.
Mavzuga oid
22:21 / 17.10.2024
«O‘zmetkombinat»ga yangi rahbar tayinlandi
22:09 / 14.10.2024
Jizzax viloyati sog‘liqni saqlash boshqarmasiga yangi rahbar tayinlandi
18:37 / 12.10.2024
Toshkent viloyati Yo‘l harakati xavfsizligi xizmatiga yangi boshliq tayinlandi
13:30 / 10.10.2024