Markaziy bank Surxondaryo viloyati bosh boshqarmasi boshlig‘i tayinlandi

Viloyat hokimligi xabariga ko‘ra, Azamat Rajabov ushbu lavozimda ish boshlagan.

U 1983 yilda Muzrabot tumanida tug‘ilgan. 2006 yilda Samarqand qishloq xo‘jaligi institutini tamomlagan. Ma’lumoti bo‘yicha mutaxassisligi – iqtisodiyot.

Mehnat faoliyati davomida «Mikrokreditbank» AT bankining tuman, viloyat mintaqaviy filiallarida boshliq, «Mikrokreditbank» AT banki boshqarma boshlig‘i lavozimlarida ishlagan.

Azamat Rajabov tayinlovga qadar «Mikrokreditbank» AT banki Surxondaryo viloyati mintaqaviy filiali boshlig‘i lavozimida mehnat qilgan.