Toshkentda o‘zganing uyi oldidagi daraxtni kesib ketgan niqobli ikki shaxs ushlandi
Mirzo Ulug‘bek tumanida 2 nafar shaxs fuqaroning uyi oldidagi daraxtni yashirin ravishda kesib ketdi. Ular qo‘lga olingan.
Toshkent shahar Mirzo Ulug‘bek tumanida 2 nafar shaxs o‘zga bir fuqaroning uyi oldidagi daraxtni yashirin ravishda kesib ketgani aks etgan video tarqaldi. Ushbu holat yuzasidan Toshkent shahar IIBB Gazeta.uz’ga ma’lumot berdi.
2024 yilning 14 iyul kuni taxminan soat 00:55 atrofida Mirzo Ulug‘bek tumanidagi ko‘chalarning birida, 1950 yilda tug‘ilgan fuqaro Z.A.ning yashash xonadoni oldiga 2 nafar yuzlariga niqob taqqan noma’lum shaxslar Lacetti avtomashinasida kelib, uyini oldidagi daraxtni kesib ketishgan.
Ko‘rilgan tezkor tadbirlar natijasida ushbu huquqbuzarlikni 1989 yilda tug‘ilgan O.U. va 1990 yilda tug‘ilgan N.G‘. sodir etgani aniqlangan.
Holat yuzasidan Mirzo Ulug‘bek tumani IIO FMB tomonidan tergovga qadar tekshiruv o‘tkazilmoqda.
Mavzuga oid
16:49 / 16.10.2024
Sobiq MXX binosi hududidan ko‘chirilgan daraxtlarga oid tergov ishi natijasi ochiqlanmayapti. Sukut ortida nima bor?
18:52 / 14.10.2024
Toshkentda 800 tup daraxt nobud qilingani yuzasidan tergovga qadar tekshiruv tayinlandi – Bosh prokuratura
18:43 / 12.10.2024
O‘zbekistonning ko‘p asrlik daraxtlari maxsus xalqaro ro‘yxatga kiritildi
19:01 / 11.10.2024