Britaniyada 17 yoshli shaxsga bolalar o‘limi bo‘yicha ayblov qo‘yildi

Britaniyada 17 yoshli yigit 29 iyul kuni Angliya shimolidagi Sautport shahrida bolalar raqs studiyasiga hujum qilganlikda ayblanmoqda. U uchta qotillik va o‘nta odam o‘ldirishga suiqasdda ayblandi, dedi Angliya va Uelsdagi jinoiy ishlarni nazorat va ta’qib qilish bo‘yicha bosh davlat agentligi – Qirollik prokuratura xizmati 31 iyul, chorshanba kuni. Hibsda saqlanayotgan ayblanuvchi payshanba kuni Liverpuldagi sudga keladi.

Chorshanba kuni London markazida Sautportdagi voqealarga bag‘ishlangan britaniyalik ultramillatchilarning noroziligi paytida 100 dan ortiq odam qo‘lga olindi. Uning ishtirokchilari mamlakatga noqonuniy migrantlarning kirib kelishini to‘xtatishni talab qilishdi. Namoyish politsiya bilan mushtlashuvga aylanib ketdi. Britaniya OAV xabar berishicha, namoyishchilar Dauning-stritdagi bosh vazir qarorgohi yonidagi panjara ustidan shisha va fayyerlar uloqtirgan.

Bir kun avval Sautportda o‘ng ekstremistlar tomonidan namoyishlar zo‘ravonlikka aylanib ketgan edi. O‘shanda 39 politsiyachi yaralangan. Namoyishchilar rasmiylarni jinoyatchining asl kelib chiqishini yashirishda ayblashdi. Shu munosabat bilan politsiya ayblanuvchi Britaniyada tug‘ilgani va Sautportga qo‘shni Benks shaharchasida yashaganini ta’kidladi.

Sautportdagi bolalar studiyasiga pichoq bilan hujum uyushtirildi

29 iyul kuni Sautport kurort shahrida 17 yoshli yigit 6 yoshdan 11 yoshgacha bo‘lgan bolalar uchun mo‘ljallangan Hart Space Studious raqs studiyasiga pichoq bilan hujum qildi. Hujum oqibatida uch qiz halok bo‘lgan. Yana sakkiz nafar bola pichoqlangan, ulardan besh nafarining ahvoli og‘ir.

Bolalarga yordam berishga shoshilgan ikki yoshi katta shaxs ham og‘ir jarohatlar bilan shifoxonada. Hozircha politsiya hujumni terrorchilik hujumi deb baholamayapti.