Surxondaryoda “Jiguli” kanalga tushib ketdi

Haydovchi avtomobil qo‘l tormozini ko‘tarishni unutgan va ichida hech kim bo‘lmagan “Jiguli” kanalga tushib ketgan.

Foto: FVB

Surxondaryo viloyatida kanalga tushib ketgan “Jiguli” mashinasi chiqarib olingan. Favqulodda vaziyatlar vazirligining xabar berishicha, hodisa 2024 yil 8 oktyabr kuni soat 09:48 da sodir bo‘lgan.

Ma’lum qilinishicha, FVBga Jarqo‘rg‘on tumani “Guliston” MFY hududidan oqib o‘tuvchi ZANG kanaliga fuqarolardan birining “Jiguli VAZ-2106” mashinasi tushib ketgani to‘g‘risida xabar kelib tushgan.

Shunga ko‘ra, FVV qutqaruvchilari zudlik bilan aytilgan manzilga yetib borib, maxsus texnika va asbob-anjomlar yordamida avtomobil kanaldan chiqarib olingan.

Aniqlanishicha, haydovchi avtomobil qo‘l tormozini ko‘tarishni unutgan va ichida hech kim bo‘lmagan “Jiguli” kanalga tushib ketgan.