Odatdagi kunlarda ham o‘z milliy bayrog‘ini qattiq hurmat qiluvchi va juda ko‘p joylarda ilib qo‘yadigan istanbulliklar bayram munosabati bilan yanada jonlangan.
Bayroqlar bilan birga 1923 yil 29 oktyabrdagi zamonaviy Turkiya davlatchiligining asoschisi hisoblanuvchi Mustafo Kamol Otaturk rasmlari ham ko‘p joylarda ilinganini ko‘rish mumkin.
Bu kun – Turkiyada dam olish kuni deb e’lon qilingan, mamlakat bo‘ylab harbiy paradlar, turli madaniy va ko‘ngilochar dasturlar o‘tkaziladi. Yirik shaharlarda jamoat transporti bepul bo‘ladi.
