5 ming so‘mdan 50 ming so‘mgacha: O‘zbekistonning eng yirik o‘rik bozoridan reportaj

Mamlakatimizdagi eng yirik o‘rik bozori Farg‘ona tumanining Mindon qishlog‘ida joylashganini bilarmidingiz? O‘rik qoqi bozoriga nafaqat vodiy viloyatlaridan, balki butun respublika, qo‘shni mamlakatlardan savdogarlar kelishadi.

Haftaning chorshanba va shanba kunlari bo‘ladigan bozorda savdo anchayin chaqqon. Odamlar gavjum. Shu kunlarda bozorda o‘rik qoqilar holatiga qarab 5 ming so‘mdan 50 ming so‘mgacha sotilyapti. Reportajimizda mazkur bozor hayoti, savdo jarayoni bilan tanishing.