Muzokaralar chog‘ida O‘zbekiston va Chernogoriya o‘rtasidagi savdo-iqtisodiy va investitsiyaviy hamkorlik istiqbollari muhokama qilindi.
Tomonlar bu borada amalga oshirilmagan salmoqli salohiyat mavjudligini qayd etishdi.
O‘zaro manfaatli barcha ustuvor yo‘nalishlarda iqtisodiy hamkorlikni kuchaytirish bo‘yicha chora-tadbirlar ko‘rish bo‘yicha kelishuvga erishildi.
Muloqot chog‘ida qishloq xo‘jaligi sohasidagi ikki tomonlama hamkorlikka alohida e’tibor qaratildi.
Chernogoriya tomoni mamlakat bozoriga O‘zbekiston sabzavot va to‘qimachilik mahsulotlari importini kengaytirishga tayyorligini bildirdi.
