Jamoatçilik faoli Rasul Kuşerbayev Wizz Air aviakompaniyasi ustidan prezident portaliga şikoyat yölladi. Samarqand–Abu-Dabi reysida ekipaj a’zolari favqulodda çiqiş joyi oldidagi örindiqda ötirgan Kuşerbayevga xavfsizlik qoidalarini ingliz tilida tuşuntirgan, yölovçi özbek yoki rus tilida tuşuntirişni söraganida, undan bortni tark etiş talab qilingan. Aviakompaniya bunday talab qoidalarga muvofiqligini bildirdi.
Özbekiston ekologiya vazirining maslahatçisi Rasul Kuşerbayev Wizz Air aviakompaniyasidan norozi ekani va öz şikoyatini davlat rahbarining virtual qabulxonasiga yöllaganini ma’lum qildi.
U YouTube'ga joylagan videosida aytişiça, Wizz Air aviakompaniyasining ekipaj a’zolari parvozdan oldin a’zolari undan xavfsizlik qoidalarini özbek yoki rus tilida tuşuntirişni söragani uçun bortni tark etişni talab qilgan.
Kun.uz masalani örganar ekan, aviakompaniyaning mijozlarni qöllab-quvvatlaş xizmati bilan boğlandi. Aviakompaniya xodimi yölovçiga bunday talab qöyilişi qoidalarga zid emasligini bildirdi.
Kuşerbayev nima dedi?
Rasul Kuşerbayevning aytişiça, u 9 noyabr kuni Samarqanddan Abu-Dabiga uçgan. Parvozdan oldin ekipaj a’zolari Kuşerbayevga favqulodda çiqiş eşigi oldida ötirgani uçun unga majburiyatlarini tuşuntirgan. Yölovçi ingliz tilini tuşunmagani uçun, bort kuzatuvçisidan özbek yoki rus tilida gapirişini söragan. Ikkinçi ekipaj a’zosi esa bunday qilolmasligini aytib, Kuşerbayevdan samolyotdan tuşib qolişini söragan. Ikki örtada yana nimalar bölgani hozirça noma’lum, Kuşerbayev janjal kötarmaganini aytdi.
Ma’lumki, aviakompaniyalar favqulodda çiqiş eşiklari yonidagi örindiqlarni (oyoqni bemalol uzatib ötiriş imkoniyati borligi uçun) odatda qimmatroq sotadi. Lekin ayrim hollarda bunday joylar reys uçun eng oxirgi bölib röyxatdan ötgan yoki bu örinlarni aviakompaniyaning elektron platformasi orqali band qilgan yölovçilarga ham nasib etişi mumkin. Bu borada turli aviataşuvçilar turliça yondaşuvlarga ega.
Rasul Kuşerbayevning aytişiça, to bortga çiqqunça bunday joyda ötirişidan bexabar bölgan, ya’ni unga bu joy tasodifan töğri kelib qolgan. Bort kuzatuvçi avvaliga barçaga xavfsizlik qoidalarini tuşuntirgan, şundan keyin favqulodda çiqiş eşigi yonida ötirgan Kuşerbayevga qarata yana ingliz tilida boşqa alohida tuşuntirişlar bergan. Kuşerbayev özbek yoki rus tilida tuşuntiriş berişlarini söraganidan keyin, undan bortni tark etiş talab qilingan.
