Dam olish kunlarida yomg‘ir va qor yog‘ishi kutilmoqda

Dam olish kunlari O‘zbekiston bo‘ylab beqaror ob-havo bo‘lishi kutilmoqda. Hududlarda yomg‘ir va qor yog‘adi. Harorat kechasi 0…+5, kunduzi +2…+7 daraja bo‘ladi.

Foto: Kun.uz

«O‘zgidromet» 17–19 yanvar kunlariga O‘zbekiston bo‘yicha ob-havo prognozini taqdim etdi.

Bugun va dam olish kunlari O‘zbekiston hududi bo‘ylab beqaror ob-havo bo‘lishi kutilmoqda. Respublikada vaqti-vaqti bilan yog‘ingarchilik bo‘lib, shimolda yog‘ingarchilik qor shaklida, qolgan hududlarda asosan yomg‘ir shaklida kuzatiladi, 18–19 yanvar kunlari ba’zi joylarda qor bilan yog‘adi.

Farg‘ona vodiysi hududlarida yog‘ingarchilik faqat 19 yanvarda kuzatiladi.

Juma kuni harorat kunduzi +8...+11 daraja, shanba va yakshanba kunlari kechasi 0...+5 daraja, kunduzi +2...+7 daraja bo‘ladi.

Kechasi va ertalab respublika bo‘ylab ba’zi joylarda tuman tushishi mumkin.

Shamol sharqdan g‘arbga o‘zgarib turgan holda 7–10 metr/soniya tezlikda esadi, 18–19 yanvar kunlari ayrim joylarda 13–18 metr/soniyagacha kuchayadi.

18 yanvar kuni qanday ob-havo kutilmoqda?

Toshkent shahrida vaqti-vaqti bilan yomg‘ir yog‘adi, 18 yanvar kuni kechasi va 19 yanvarda vaqti-vaqti bilan yog‘ingarchilik (yomg‘ir, qor) kuzatiladi. Kechasi va ertalab tuman tushishi mumkin. Yengil o‘rtacha tezlikdagi shamol bo‘ladi. Bugun havo harorati kunduzi +8...+10 daraja, shanba va yakshanba kunlari kechasi 0...+2, kunduzi +4...+7 daraja bo‘ladi.

Tayyorlagan: Азиз Қаршиев

#yog‘ingarchilik #O‘zgidromet