Toshkentda 4 nafar egizak chaqaloq tug‘ildi

Toshkentda ayol 4 nafar chaqaloqni dunyoga keltirdi. Bu haqda «Millar» dasturi xabar berdi.

Ta’kidlanishicha, yosh oila asli Surxondaryodan bo‘lib, chaqaloqlar shifokor nazoratida bo‘lishi uchun Toshkentga kelgan.

Oilaning farzandlari soni 5 nafarga yetdi, ularning 2 yoshli qizi ham bor.

Yangi tug‘ilgan bolalar ikki o‘g‘il va ikki qiz. Ularga Muhammad, Mustafo, Sumayya va Safiya ismlari qo‘yildi. Ayni vaqtda ular sog‘lom ekani ta’kidlanmoqda.