Toshkentda ko‘p qavatli uylarning birida yong‘in sodir bo‘ldi

Toshkent shahar Mirzo Ulug‘bek tumani “Oltintepa” MFY Parkent ko‘chasida joylashgan 7 qavatli uyning yerto‘la qismi, yordamchi xonasida yong‘in sodir bo‘ldi. Bu haqda 24 yanvar kuni soat 17:44 da poytaxt FVBga xabar kelib tushgan.

Shunga ko‘ra, yong‘in-qutqaruv texnikalari aytilgan manzilga soat 17:54 da yetib borib, yong‘in soat 18:06 da qurshab olinib, soat 18:16 o‘chirilgan.

Hodisa oqibatida halok bo‘lgan va jabrlanganlar yo‘q. Ushbu manzilda gaz sizib chiqish holati sodir bo‘lmagan.

Hozirda yong‘in sababi va keltirilgan moddiy zarar aniqlanmoqda.