Tailandda ichida sayyohlar bo‘lgan avtobus 15 metr balandlikdan tushib ketdi

Tailandda sayyohlarni olib ketayotgan avtobus tog‘ yo‘lidan tushib ketdi. Bu haqda Telegramʼdagi SHOT kanali xabar berdi.

«Avariya Pxuketdagi Karon—Patong dovonida yuz berdi. Bir guruh sayyohlarni ekskursiyaga ketayotgan bo‘lgan. Avtobus haydovchisi boshqaruvni yo‘qotib, menmonxona yaqinidagi trassadan chiqib ketgan. Guvohlarning aytishicha, qutqaruvchilar avtobusdagi odamlarni tog‘dan pastga tushirib olgan», — deyiladi xabarda.

YTH oqibatida to‘qqiz kishi jarohat olgan. Dastlabki ma’lumotlarga ko‘ra, ularning ikki nafari rossiyalik, to‘rt nafari esa xitoylik.

BrightTV ma’lumotlariga ko‘ra, avtobus 15 metr balandlikdan tushib ketgan. Hodisa joyiga qutqaruv xizmatlari jalb etilgan.

Eslatib o‘tamiz, 2024 yil oktyabr oyida Tailandda 40 ga yaqin o‘quvchi va o‘qituvchilarni olib ketayotgan avtobus yonib ketishi oqibatida kamida 20 kishi halok bo‘lgandi.