Tailand hukumati dunyoning 93 mamlakati, jumladan, Oʻzbekiston fuqarolari uchun amalda boʻlgan 60 kunlik vizasiz rejimni 15-sentabrdan rasman bekor qilgani haqida xabar qilingandi.
Tashqi ishlar vazirligi matbuot xizmatining Kun.uz'ga maʼlum qilishicha, haqiqatdan ham Qirollik hukumatining qaroriga koʻra, joriy yil 15-sentabrdan Oʻzbekiston fuqarolari uchun mamlakatga kirishdagi vizasiz tartib bekor qilinmoqda.
Endilikda Oʻzbekiston fuqarolari Tailandga borish uchun oldindan Qirollikning rasmiy elektron viza portali (https://www.thaievisa.go.th) orqali elektron viza anketasini toʻldirgan holda kirish vizasini rasmiylashtirishlari lozim.
Elektron viza anketasini toʻldirgandan soʻng, fuqaro viza uchun toʻlovni - Tailandning Moskva shahrida joylashgan elchixonasiga tashrif buyurgan holda amalga oshirishi lozim.
Vazirlik matbuot kotibi Omonulla Fayziyevning Kun.uz'ga maʼlum qilishicha, ayni vaqtda Tailand tomoni bilan «toʻlov joyini oʻzgartirish boʻyicha muzokaralar olib borilmoqda». Toʻlov onlayn boʻlishi yoki Tailandning Oʻzbekistonga yaqinroq davlatlardagi (masalan qoʻshni Qozogʻiston) vakolatxonalari orqali amalga oshirish imkoniyatlari koʻrib chiqilmoqda.
«Fuqarolarimiz uchun yanada qulay shart-sharoitlar yaratish maqsadida barcha zarur ishlarni amalga oshiryapmiz», dedi Omonulla Fayziyev.
Tailandga kirishda nimalar oʻzgaryapti?
Joriy yil 15-sentabrdan boshlab Tailand 93 ta davlat uchun yagona 60 kunlik vizasiz rejim oʻrniga bir nechta alohida toifani joriy etadi:
30 kunlik vizasiz kirish - 60 ta mamlakat va hudud, jumladan, Yevropaning aksariyat davlatlari, AQSH, Buyuk Britaniya, Kanada, Avstraliya, Xitoy, Yaponiya, Rossiya va Isroil fuqarolari uchun;
15 kunlik vizasiz kirish - ikki davlat (Seyshel orollari va Mavriki) fuqarolari uchun;
