O‘zbekiston va Malayziya muhim resurslar sohasidagi loyihalar bo‘yicha kelishuvga erishdi

O‘zbekiston va Malayziya muhim minerallar sohasida loyihalarni amalga oshirishga kelishib oldi. Bu haqda investitsiyalar, sanoat va savdo vaziri Laziz Qudratov ma’lum qildi.

Uning so‘zlariga ko‘ra, O‘zbekiston va Malayziya iqtisodiyotlari bir-birini to‘ldiradi, bu elektronika va yarimo‘tkazgichlar sohasida sanoat kooperatsiyasi uchun imkoniyatlar ochadi.

Vazirlik rahbari O‘zbekiston muhim minerallar va resurslarning ulkan zaxiralariga ega ekanligini ta’kidladi, bu esa «sanoatni rivojlantirishning yangi bosqichiga o‘tish, yarimo‘tkazgichlar uchun komponentlar ishlab chiqarishni yo‘lga qo‘yish» imkonini beradi.

«Biz Malayziyaning uchta yetakchi o‘yinchilari bilan yuqori tozalikdagi monokristall va polikristall kremniy, shuningdek, o‘ta toza grafit ishlab chiqarish bo‘yicha qo‘shma loyihalarni yaratishni nazarda tutuvchi kelishuvlarga erishdik. Oxirgisi nafaqat yarimo‘tkazgichlar sanoatida, balki yadro energetikasida, kosmik sohada ham qo‘llaniladi,» — dedi u.

Malayziya kompaniyalari bilan hamkorlik O‘zbekiston iqtisodiyoti va mahalliy korxonalarni rivojlantirishning yangi bosqichiga olib chiqadi, dedi vazir.