Shayxontohur tumanidagi 324-sonli umumta’lim maktabi orqa tomonida 2020 yilda sun’iy qoplamali futbol maydoni qurilgan bo‘lib, uning atrofi simto‘rli panjaralar bilan o‘ralgan.
2025 yil 26 fevral kuni yog‘gan qor natijasida futbol maydoni panjara va ustunlari ag‘darilgan. Hech kimga zarar yetmagani va tan jarohati olmagani aniqlandi. Hozirda mazkur ta’lim muassasasi sun’iy qoplamali futbol maydoni atrofida yuzaga kelgan muammoni bartaraf etish ishlari boshlab yuborilgan.
Hozirgi kunda loyiha me’yorlariga rioya etilishi batafsil tekshirilmoqda, shuningdek, pudratchi tashkilot bajargan ishlar tahlil qilinmoqda.
Tekshiruv yakuniga ko‘ra, mas’ul shaxslarga nisbatan tegishli choralar ko‘riladi.
