Rossiya va O‘zbekiston harbiy sohada strategik sheriklik rejasini imzoladi

Ikki mamlakat mudofaa vazirlarining Moskvadagi uchrashuvida harbiy hamkorlik to‘g‘risidagi hujjat imzolandi.

Foto: Rossiya Mudofaa vazirligi

Rossiya mudofaa vaziri Andrey Belousov o‘zbekistonlik hamkasbi Shuhrat Xolmuhamedov bilan uchrashdi, deb xabar berdi Rossiya Mudofaa vazirligiga tayanib Interfax.

«Muzokaralar yakunida tomonlar 2026-2030 yillarga mo‘ljallangan Rossiya Federatsiyasi va O‘zbekiston Respublikasining harbiy sohadagi strategik sheriklik dasturini amalga oshirish rejasini imzoladilar», deyiladi xabarda.

Vazirlik ma’lumotlariga ko‘ra, Xolmuhamedov Belousovga Moskvadagi harbiy paradda ishtirok etgan O‘zbekiston harbiy kontingentini tayyorlash uchun yaratilgan sharoitlar uchun minnatdorlik bildirdi.

Rossiya Mudofaa vazirligi xabariga ko‘ra, «Belousov Rossiya tomoni ham O‘zbekistonning fashizmga qarshi kurashda sovet bo‘linmalarini moddiy-texnik ta’minlash va harbiy-texnik ta’minlash masalalaridagi rolini yuksak qadrlashini ta’kidladi».