21 may kuni Madrid çekkasidagi Posuelo-de-Alarkon şaharçasida ukrainalik huquqşunos Andrey Portnov otib ketildi — u Oliy radaning sobiq deputati hamda sobiq prezident Viktor Yanukoviçning safdoşi bölgan. Qotillik motivlari aniq emas. 2000-yillar boşida Portnov Ukraina sobiq boş vaziri Yuliya Timoşenkoning jamoasida bölgan, keyin esa Viktor Yanukoviçning yoniga ötib, Maydan voqealari vaqtidagi siyosiy inqirozni hal etiş böyiça işçi guruh a’zosi bölgan. 2014 yil fevralida Portnov Ukrainadan Rossiyaga qoçib ötadi. Ammo beş yil ötib Kiyevga qaytadi va Ukrainaning sobiq prezidenti Petro Poroşenkoga qarşi da’vo qözğatişga kirişadi — uning arizalaridan biri asosida Poroşenkoga nisbatan davlatga xiyonat ehtimoli böyiça tergov oçilgan. Rossiyaning keng kölamli bosqini boşlanganidan bir neça oy ötib, çaqiriq yoşidagi erkaklarga taqiqlanganiga qaramay, Portnov yana bir bor Ukrainani tark etadi.
51 yoşli Andrey Portnov Madrid şahri çekkasidagi Posuelo-de-Alarkonda öldirilgan, u bu vaqtda Amerika maktabiga bolalarni olib kelgandi. Ispan naşrlariga köra, darvoza oldida maşinaga ötirganida unga qarata bir neça öq uzilgan. El Pais yozişiça, hujum qilganlar soni ikki yoki uç nafar edi, qotillikdan keyin ular voqea joyidan yaşiringan. El Mundo ma’lumotiga köra, politsiya ikkita versiyani körib çiqmoqda: uyuşgan jinoiy guruhlar örtasidagi hisob-kitob yoki siyosiy xarakterdagi hujum.
Andrey Portnov 1973 yilda Luhanskda tuğilgan, huquqşunoslikka öqigan va 1990-yillar oxirida Kiyevga köçib ötib, bu yerda Qimmatli qoğozlar va fond bozori böyiça davlat komissiyasida işlagan. 2006 yilda Portnov «Yuliya Timoşenko bloki» röyxati asosida Ukraina Oliy radasi deputatiga aylangan. Timoşenkoning özi 2005–2010 yillarda Ukraina boş vaziri lavozimini egallagandi. Portnov uning jamoasi tarkibiga kirgan, keyinroq uning saylov ştabi rahbariga aylangan va sudda — jumladan, Ukraina sobiq prezidenti Viktor Yuşçenkoga qarşi bir neça sud jarayonlarida uning manfaatlarini himoya qilgan.
Sergei Supinsky / AFP / Scanpix / LETA
2010 yilda Portnov prezident lavozimida Yuşçenkoning örniga kelgan Viktor Yanukoviç jamoasiga ötadi. Portnov prezident administratsiyasi rahbari örinbosari va sud-huquq islohoti boşqarmasi boşliği etib tayinlanadi. 2014 yilda Maydandagi norozilik namoyişlari paytida u prezident ma’muriyati rahbarining birinçi örinbosari lavozimiga kötarilgan. U Yanukoviç va adliya vaziri Yelena Lukaş bilan birga siyosiy inqirozni hal qiliş böyiça işçi guruh tarkibiga kiradi. 2014 yil fevral oyida Portnov Ukrainadan Rossiyaga, keyin esa Avstriyaga jönab ketadi. Keyinçalik u intervyuda nima uçun işçi guruhga kirganini özi tuşuntira olmasligini va bu uning «katta xatosi» bölganini aytadi. «Antimaydanning yuzi böliş vazifasi aynan bizning çekimizga tuşgandi», – degandi Portnov.
