Qotillikda ayblanayotgan o‘zbekistonlik Salvadordan Rossiyaga ekstraditsiya qilindi

2021 yilda Sankt-Peterburgda sodir etilgan qotillikda ayblanayotgan shaxs Salvador Respublikasidan Rossiyaga ekstraditsiya qilindi. Rossiya Ichki ishlar vazirligi xabariga ko‘ra, bu operatsiya mamlakatlar o‘rtasida ekstraditsiya bo‘yicha birinchi holat bo‘lgan.

O‘zbekiston Respublikasi fuqarosi 2021 yildan buyon xalqaro qidiruvda bo‘lib, u Sankt-Peterburgda sodir etilgan qotillikda ayblanmoqda. Uning ismi-sharifi xabarda keltirilmagan. Tergov ma’lumotlariga ko‘ra, janjal paytida u jabrlanuvchining ko‘kragiga o‘tkir buyumni sanchgan, oqibatda jarohat halokatli bo‘lgan. So‘ngra gumondor xorijga qochib ketgan.

Interpol qochoqni 2023 yil may oyida Markaziy Amerikadagi eng kichik davlat Salvadorda topdi. Mamlakat hukumati Rossiya Bosh prokuraturasining so‘rovini bajardi va 2025 yil 25 may kuni gumonlanuvchi Rossiya tomoniga topshirildi.

Rossiya Ichki ishlar vazirligi rasmiy vakili Irina Volk ekstraditsiya ikki davlat huquq-tartibot idoralari o‘rtasidagi xalqaro hamkorlik amaliyotida o‘ziga xos bo‘lganini ta’kidladi.