Uzbekistan Airways 1 iyuldan Isroilga parvozlarni tiklaydi

Toshkent – Tel-Aviv – Toshkent yo‘nalishidagi reyslar odatdagi tartibda amalga oshiriladi.

Foto: Uzbekistan Airways

Uzbekistan Airways aviakompaniyasi 1 iyuldan Isroilga parvozlarni qayta tiklaydi.

«2025 yil 1 iyuldan boshlab Toshkent – Tel-Aviv – Toshkent yo‘nalishidagi reyslar odatdagi tartibda amalga oshiriladi», deyiladi kompaniyaning bayonotida.

Avvalroq, Isroilning Tel-Aviv shahri xalqaro aeroportida havo hududidan foydalanish bo‘yicha joriy etilgan cheklovlar sababli, Uzbekistan Airways 2025 yil 16 iyundan 30 iyungacha Toshkent–Tel-Aviv–Toshkent yo‘nalishidagi reyslarni vaqtincha to‘xtatgan edi.

Shuningdek, Isroil-Eron ziddiyatining kuchayishi ortidan Isroil davlati bilan aviaqatnovlar vaqtincha to‘xtatilgani haqida O‘zbekistonning Isroildagi elchixonasi ham xabar bergan edi.

#Isroil #Tel-Aviv #Uzbekistan Airways

2025 yil 13 iyunga o‘tar kechasi Isroil Eronning harbiy va yadroviy obektlariga zarbalar berishni boshladi. Bunga javoban Tehron Isroil ustidan bombalar yog‘dirdi. 12 kun davom etgan urush, AQShning Eron yadro obektlariga hujum qilishi bilan yakunlandi.