Ukraina prezidenti Volodimir Zelenskiy Moskva bilan keyingi muzokaralar şartlarini aytdi. «Biz tomonlarning ikkinçi uçraşuvda kelişib olgan narsalarini – öşanda Istanbulda kelişilgan almaşinuvlarni yakunlaşimiz kerak», dedi Zelenskiy 10 iyul, payşanba kuni Rimda Ukrainani uruşdan keyingi qayta tiklaş böyiça 4-xalqaro konferensiya bölib ötayotgan matbuot anjumanida. Ukraina prezidentining sözlarini "Suspіlne" telekanali keltirmoqda.
2 iyun kuni Istanbulda Rossiya va Ukraina vakillari örtasida töğridan töğri muzokaralarning ikkinçi raundi bölib ötdi. Tomonlar oğir yaralangan askarlar va 25 yoşgaça bölgan asirlarni almaşiş, şuningdek, uruşda halok bölgan 6000 nafar harbiy xizmatçilarning jasadini bir-biriga topşirişga kelişib oldi. Şundan söng bir qator harbiy asirlar almaşinuvi bölib ötdi — xususan, 9, 10, 12, 19 va 20 iyun kunlari. Şu bilan birga, halok bölganlarning jasadlarini almaşiş davom etdi.
Volodimir Zelenskiyning sözlariga köra, almaşinuvlar yaqin orada yakunlanadi. «Faqat şundan keyingina jamoalar samarali variantni muhokama qiliş – yetakçilar darajasidagi uçraşuvni tayyorlaşga ötişi mumkin böladi», dedi u.
Zelenskiy uçun eng maqbul format bu davlat rahbarlari darajasidagi Ukraina-Rossiya-AQŞ formatidir. Stolda nafaqat sözlar, balki «aniq kafolatlar» ham eşitilişi kerak, deb ta’kidladi u.
Şu bilan birga, Ukraina prezidenti Vatikan, Avstriya, Şveytsariya va Turkiya allaqaçon muloqot uçun platformalar taqdim etişni taklif qilganini eslatdi.
