Ukrainani tiklash: konferensiyada 10 mlrd yevro va’da qilindi

10—11 iyul kunlari Rimda bo‘lib o‘tgan Ukrainani urushdan keyingi qayta tiklash bo‘yicha 4-xalqaro konferensiya ishtirokchilari Kiyevga yordam uchun 10 milliard yevrodan ortiq mablag‘ ajratishga va’da berdi. Bu haqda Italiya bosh vaziri Jorja Meloni ma’lum qildi.

«O‘ylaymanki, biz bugun birgalikda – davlatlar, xalqaro tashkilotlar, moliya institutlari, mahalliy hokimiyat organlari, biznes sektori va fuqarolik jamiyati bilan erishgan natijamizdan faxrlanishimiz kerak», — dedi Meloni. «Bugungi konferensiyada biz birgalikda 10 milliard yevrodan ortiq majburiyatlarni oldik», dedi u.

Jorja Meloni rossiyalik harbiylar tomonidan Ukraina cherkovlari va muzeylari vayron qilinganini keskin tanqid qildi, deb xabar berdi KNA. Bu madaniy boyliklar umumiy Yevropa merosining bir qismidir va ular qayta tiklanadi, deya va’da berdi Italiya bosh vaziri.

O‘z navbatida, Yevroparlamentdan ishonch votumini olgan Yevrokomissiya rahbari Ursula fon der Lyayyen ham Ukrainaga har tomonlama moliyaviy yordam ko‘rsatishga va’da berdi.

Ukraina mudofaa sanoati o‘z salohiyatining atigi 60 foizida ishlamoqda, deya qo‘shimcha qildi u va Yevropa kompaniyalari unga kapital bilan yordam berishi mumkinligiga ishonch bildirdi. Fon der Lyayyen Ukrainani qayta tiklash bo‘yicha yangi Yevropa jamg‘armasi tashkil etilishini e’lon qildi, u xususiy mablag‘larni jalb qilishi kerak, deb xabar berdi Reuters.