The Samarkand express poyezdi loyihasi uchun 25 mln dollar investitsiya kiritilyapti

Saudiya Arabistonining Al Harir gazetasida "O‘zbekiston The Samarkand express hashamatli sayyohlik poyezdi qatnovini yo‘lga qo‘yadi" sarlavhali maqola chop etildi.

Foto: Kun.uz

Maqolada ta’kidlanishicha, loyiha tashabbuskori "O‘zbekistontemir yo‘llari" AJ bo‘lib, moliyalashtirish to‘g‘ridan to‘g‘ri xorijiy investitsiyalar hisobidan amalga oshiriladi.

"Sarmoyalarning umumiy hajmi 25 million AQSh dollariga teng. Shundan 10 million dollari 2025 yilda jalb qilinishi rejalashtirilgan. Poyezd harakati 2026 yil oxiridan yo‘lga qo‘yiladi", – deyiladi nashrda.

Al Harir gazetasining yozishicha, The Samarkand express hashamatli sayyohlik poyezdi vagonlarining tashqi pardozlash ishlari yakunlangan va yaqin orada ular ichki pardozlash hamda to‘liq texnik jihozlash uchun Italiyaga yuboriladi.