O‘zbekistonda oqova suvlarni qayta ishlashda Britaniya texnologiyalari joriy etiladi

O‘zbekiston elchixonasi ko‘magida "O‘zsuvta’minot" AJ va Buyuk Britaniyaning Cambi Group kompaniyasi mutasaddilari o‘rtasida onlayn uchrashuv tashkil etildi.

Foto: "Dunyo" AA

Muloqot davomida o‘zaro manfaatli hamkorlik aloqalarini mustahkamlash hamda oqova suvni qayta ishlash bo‘yicha tajriba almashish masalalari muhokama qilindi.

Shuningdek, mazkur kompaniyaning O‘zbekistonda amalga oshirilayotgan loyihalarda ishtirok etishi xususida fikr almashildi.

Cambi Group oqova suvlarni va organik chiqindilarni biogaz hamda yuqori sifatli bioo‘g‘itlarga aylantirish imkonini beruvchi maxsus texnologiyalarni ishlab chiqarishga ixtisoslashgan.