Qo‘qonda “parkovka” talashgan fuqarolar o‘rtasida mushtlashuv sodir bo‘ldi

Internet ijtimoiy tarmoqlarida tarqalgan Qo‘qon shahrida “parkovka” talashib, o‘zaro mushtlashuv sodir bo‘lgani haqidagi xabar Farg‘ona viloyat IIB tomonidan o‘rganib chiqildi.

Foto: Farg‘ona viloyat IIB

Ma’lum bo‘lishicha, joriy yilning 5 avgust kuni Qo‘qon shahar Obod mahallasida fuqaro A.N. va A.G‘. o‘rtasida o‘zaro kelishmovchilik ortidan janjal kelib chiqib, ular bir-biriga jarohat yetkazgan.

Mazkur holat yuzasidan shahar IIB xodimlari tomonidan tergovga qadar tekshiruv harakatlari olib borilib, ushbu shaxslarga nisbatan Ma’muriy javobgarlik to‘g‘risidagi kodeksning 52- va 183-moddalari tartibida ma’muriy bayonnomalar rasmiylashtirildi.

Ma’muriy javobgarlik to‘g‘risidagi kodeksning yuqorida keltirilgan moddalari yengil tan jarohati yetkazish va mayda bezorilik bilan bog‘liq.

Tayyorlagan: Отабек Матназаров

#mushtlashuv #Qo‘qon