AQSh Venesuela prezidentini hibsga olish uchun mukofotni 50 million dollargacha oshirdi

AQSh Adliya vazirligi Venesuela prezidenti Nikolas Maduroni hibsga olishda yordam beradigan ma’lumot uchun mukofotni ikki baravarga oshirdi - 25 million dollardan 50 million dollargacha. Bu haqda AQSh Davlat departamenti xabarida aytilgan.

Bayonotga ko‘ra, Maduro o‘n yildan ortiq vaqtdan beri AQShda giyohvand moddalarning noqonuniy savdosi uchun mas’ul bo‘lgan «De Los Soles» kartelining yetakchisi hisoblanadi.

2020 yilda AQSh Maduro va uning ittifoqchilariga qarshi giyohvand moddalar savdosi bo‘yicha ayblovlarni ilgari surgan edi.

Maduro bir necha bor Amerikaning da’volarini tuhmat deb atab, ayblovlarni rad etgan va Vashington giyohvand moddalarni iste’mol qilishni kamaytirishga ko‘proq e’tibor qaratishi kerakligini aytgan.

Qo‘shma Shtatlar Maduroning 2024 yilgi prezident saylovidagi g‘alabasini noqonuniy deb hisoblaydi va uni hibsga olish uchun order bergan. Venesuela yetakchisi 2013 yildan buyon ushbu lavozimda ishlab kelmoqda va mamlakat saylov organlari va oliy sudi tomonidan iyul oyidagi saylovda g‘olib deb e’lon qilingan. Biroq ovoz berish jarayonining batafsil bayonnomalari hech qachon e’lon qilinmagan.