АҚШ биринчи хоними Мелания Трамп Ҳантер Байденнинг Меланияни Доналд Трамп билан товламачилик ва педофилия айбловлари билан судланган марҳум молиячи Жеффри Эппштейн таништиргани ҳақидаги сўзлари учун суд орқали 1 млрд доллар ундириш билан таҳдид қилмоқда.
Собиқ президентнинг ўғли бу ҳақда шу ой бошида британиялик журналист Эндрю Каллаганга берган интервюсида айтган.
Биринчи хонимнинг адвокати Алехандро Брито Мелания Трампга "улкан молиявий ва маънавий зарар етказилган”ини таъкидлади ва Байден айтган гапларига раддия бериши ҳамда узр сўрашини талаб қилиб, акс ҳолда судга берилишини билдирди.
Президент ва биринчи хоним уларни 1998 йилда Ню-Йоркда модел агенти Паоло Дзамполли таништирганини айтиб келишади.
Эпштейн ва Трамп илгари дўст бўлишган, лекин 2000 йилларда муносабатлари ёмонлашган.
Жеффри Эпштейн 2019 йилда қамоқхонада вафот этган.
