Soliqdan eng ko‘p qarzi bor qurilish kompaniyalari ma’lum qilindi

2025 yil 1 avgust holatiga soliq qarzi 100 mln so‘mdan yuqori qurilish korxonalari soni 1163 tani tashkil etyapti, deya xabar berdi Soliq qo‘mitasi.

Umumiy qarzdorlik 1 trln so‘mdan oshgan. Shundan 385,3 mlrd so‘mi, ya’ni 38 foiz soliq qarzi eng yirik bo‘lgan 10 ta korxona hisobiga to‘g‘ri keladi:

• “Reliable Stroy Invest” MChJ – 81,5 mlrd so‘m;
• “Mohir-Quruvchi” MChJ – 65,3 mlrd so‘m;
• “Aziya Invest Favorit” MChJ – 63 mlrd so‘m;
• “PU AO UK NATEK” – 56,5 mlrd so‘m;
• “Tamirlash Qurish Servis” MChJ – 50,8 mlrd so‘m;
• “Fayz Design” MChJ – 18,5 mlrd so‘m;
• “O'zneftgazquduqta'mirlash” AJ – 13,7 mlrd so‘m;
• “DSK Binokor” MChJ – 12,8 mlrd so‘m;
• “Nova Towers” MChJ – 12 mlrd so‘m;
• “Neftgazmontaj” MChJ – 11,2 mlrd so‘m.

Hududlar kesimida korxonalarning soliq qarzdorligi ko‘rsatkichi Toshkent shahrida 393,1 mlrd so‘mni, Andijon viloyatida 123 mlrd so‘mni, Navoiy viloyatida 82,1 mlrd so‘mni tashkil etgan.