Shavkat Mirziyoyev Mustaqillikning 34 yilligi munosabati bilan fan, ta’lim, sog‘liqni saqlash, sport, adabiyot, madaniyat va san’at sohalari hamda ommaviy axborot vositalari xodimlaridan bir guruhini mukofotlash to‘g‘risida farmon imzoladi.
Faxriy unvon, orden va medallar o‘z egalariga «mustaqillikni mustahkamlash, o‘z iste’dodi, xalqning intellektual salohiyati va ma’naviyatini yuksaltirish, yosh avlodni tarbiyalash yo‘lidagi ko‘p yillik samarali xizmatlari va boshqa xizmatlari uchun» berilgan.
Taqdirlanganlar orasida O‘zbekiston musulmonlari idorasi raisi, muftiy Nuriddin Xoliqnazar ham bor, unga «Oliy darajali Imom Buxoriy» ordeni berildi. Xorazm, Andijon viloyatlari va Toshkent shahri bosh imom-xatiblari, shuningdek, poytaxtdagi «Minor» masjidi imom-xatibiga «Imom Buxoriy» ordeni taqdim qilindi.
Aktyor va aktrisalar Karim Mirhodiyev, Saida Rametova va Tohir Sayidov «O‘zbekiston Respublikasi xalq artisti», xonanda Jahongir Foziljonov «O‘zbekiston Respublikasida xizmat ko‘rsatgan artist» bo‘lgan, badiiy so‘z ustasi Mirzatilla Xolmedov «Mehnat shuhrati» ordeniga, madaniyat vaziri Ozodbek Nazarbekov esa «O‘zbekiston Respublikasida xizmat ko‘rsatgan madaniyat xodimi» unvoniga loyiq ko‘rildi.
Bundan tashqari, badiiy gimnastika bo‘yicha O‘zbekiston milliy jamoasi a’zosi Taxmina Ikromova «O‘zbekiston Respublikasida xizmat ko‘rsatgan sportchi» unvoni, boks bo‘yicha O‘zbekiston terma jamoasi katta murabbiysi Rahmatjon Ro‘zioxunov, aktrisa Yulduz Rajabova, Ahrorjon Usmonov va Lola Yo‘ldosheva «Do‘stlik» ordeni bilan taqdirlangan.
To‘liq ro‘yxat:
«Oliy Darajali Imom Buxoriy» ordeni bilan
- Xoliqnazar Nuriddin Mirzahamdam o‘g‘li – O‘zbekiston musulmonlari idorasi raisi, muftiy
«Imom Buxoriy» ordeni bilan
