Gazdan noqonuniy foydalanib kelgan tibbiyot maskani aniqlandi

Jizzax shahrida tabiiy gazdan noqonuniy foydalanib kelayotgan tibbiyot maskani aniqlandi.

O‘zenergoinspeksiya Jizzax viloyat boshqarmasi va gaz ta’minoti korxonasi bilan hamkorlikda nazorat tadbiri o‘tkazildi.

Unda, Jizzax shahrida joylashgan «J.Sh.T.B.» tibbiyot maskanida gaz hisoblagichning nazorat tamg‘alari buzilib, tabiiy gazdan noqonuniy foydalanib kelinayotgani aniqlandi.

Ushbu qoidabuzarlik natijasida, dastlabki hisob-kitoblarga ko‘ra, gaz ta’minoti korxonasiga 951,7 million so‘mlik zarar yetkazilgani ma’lum bo‘ldi.

Hozirda huquqni muhofaza qilish organlari tomonidan tergovga qadar tekshiruv ishlari olib borilmoqda.