Chexiya maxsus xizmatlari Ruminiya va Vengriya maxsus xizmatlari bilan hamkorlikda Yevropada faoliyat yuritayotgan Belarus josuslik tarmog‘ini aniqladi va yo‘q qildi, deb xabar berdi Chexiya xavfsizlik va axborot xizmati (BIS).
Pragada Chexiya maxsus xizmatlari «diplomatik niqob ostida ishlaydigan razvedka xodimi» deb atagan Belarus elchixonasi xodimi persona non grata deb e’lon qilindi, Ruminiyada esa Moldova maxsus xizmatlarining Minskda ishlagan sobiq yuqori martabali amaldori hibsga olindi, deya xabar beradi OAV.
BIS hisobotiga ko‘ra, Yevropadagi razvedka tarmog‘i Belarus Davlat xavfsizlik qo‘mitasi tomonidan yaratilgan bo‘lib, u agentlar tarmog‘ini yaratish va razvedka ma’lumotlarini yig‘ishga intilgan. Chexiya tashqi ishlar vaziri Yan Lipavskiy X ijtimoiy tarmog‘ida shunday deb yozdi: «BIS va chex diplomatiyasiga josuslik bilan shug‘ullangan Belarus agentlarini fosh qilgani va jazolagani uchun minnatdorchilik bildiraman. Biz agentlarning mamlakatimizda kezib yurishiga yo‘l qo‘ymaymiz va Chexiyani himoya qilamiz». 72 soat ichida Chexiyani tark etishga buyruq berilgan diplomatning ismi oshkor etilmagan.
