O‘zbekiston rossiyaliklar orasida kuzgi sayohatlar uchun eng mashhur yo‘nalishlardan biriga aylandi

Unda O‘zbekiston rossiyaliklar uchun vizasiz kirish mumkin bo‘lgan davlatlar orasida kuzgi sayohatlar uchun eng mashhur yo‘nalishlardan biriga aylangani qayd etilgan.

Maqolada ta’kidlanishicha, rossiyalik turoperatorlar 2025 yilning kuz mavsumida O‘zbekistonga ekskursiya turlariga bo‘lgan talabning 2024 yilning kuziga nisbatan 20-25 foizga o‘sganini bildirmoqda.

Ularning fikriga ko‘ra, O‘zbekistonning muhim raqobatdosh ustunliklari boy ekskursiya dasturi, an’anaviy mehmondo‘stlik, vizasiz kirish, til to‘siqlarining yo‘qligi va sayyohlik infratuzilmasining rivojlanishidir, deb ta’kidlangan.

"Ko‘plab sayyohlar O‘zbekistonga milliy taomlarni tatib ko‘rish va ularni tayyorlash bo‘yicha mahorat darslarida ishtirok etish uchun boradi. Mamlakatda milliy oshxonaga bag‘ishlangan ko‘plab festivallar va tadbirlar o‘tkaziladi. Mijozlarimiz nafaqat Toshkent, Samarqand va Buxoroni, balki Urganchni ham ko‘rishni xohlamoqda", – deb turoperatorlar so‘zlaridan iqtibos keltirilgan materialda.

Rossiya Turoperatorlari uyushmasi, shuningdek, rossiyalik sayyohlarning O‘zbekistonga VIP-turlarga – qimmat mehmonxonalarda yashash, shaxsiy gidlar va ekskursiya dasturini shaxsiy qiziqishlarga moslashtirishga bo‘lgan qiziqishi ortayotganini ham ma’lum qilgan.