Kim Chen In KXDRda sun’iy intellektni rivojlantirishni buyurdi

Shimoliy Koreya yetakchisi Kim Chen In hujumkor dron sinovini kuzatdi va sun’iy intellektni kengaytirishga buyruq berdi, deb xabar bermoqda AFP Shimoliy Koreya davlat OAVga tayanib.

KMTA axborot agentligi tomonidan e’lon qilingan tasvirlarda dron havoga ko‘tarilib, nishonni yo‘q qilgani ko‘rsatilgan. Kim sinov natijalaridan «mamnun» ekanligini bildirdi, deyiladi nashrda. «UUA mamlakat qurolli kuchlarini modernizatsiya qilishda muhim (jangovar) vositaga va muhim vazifaga aylanmoqda», — dedi KXDR rahbari.

Kim, shuningdek, dronlarni ishlab chiqarish quvvatlarini kengaytirish va «yangi kiritilgan sun’iy intellekt texnologiyasini jadal rivojlantirish bo‘yicha harakatlarni kuchaytirishni» buyurdi.