8 bosh lochinni noqonuniy olib chiqishga uringan shaxslar ushlandi

Bojxonachilar Bo‘stonliqda tabiat qo‘ynidan 8 bosh lochinni ovlab, respublikadan noqonuniy olib chiqishga uringan shaxslarni to‘xtatib qoldi.

Foto: Bojxona qo‘mitasi

Noqonuniy ravishda olib o‘tishda atrofdagilarga sezdirmaslik uchun qushlarga nisbatan shafqatsiz munosabatda bo‘lingan - qushlarning ko‘z va oyoqlari bog‘lab qo‘yilgan, qanotlari esa skotchlangan, shuningdek tor hajmdagi sumkaga zichlab joylangan.

Toshkent viloyati Ekologiya, atrof-muhitni muhofaza qilish va iqlim o‘zgarishi boshqarmasi mutaxassislarining ma’lumotlariga ko‘ra, ushbu lochinlar O‘zbekiston Qizil kitobiga kiritilgan.

Hozirda qushlar Toshkent hayvonot bog‘iga topshirildi.